O venres 25 de marzo de 2022, celebrouse no Palacio de Congresos de Santiago de Compostela os Encontros PLAMBE 2021-22.
Os Encontros comezaron o xoves 24 de marzo para os centros de nova incorporación no PLAMBE, mais no día de onte o noso colexio participou nun dos relatorios de experiencias educativas como centro LIA.2 no cal presentamos o camiño percorrido nos últimos 6 anos para asentar un novo concepto de Biblioteca Escolar: a BE-LeoLab Milladoiro. Premendo no seguinte enlace accederedes ao documento que presentamos, o cal forma xa parte da nosa listaxe de Documentos situada na columna lateral deste blog.
Asemade, participamos cun póster de produción propia onde recollemos o que somos e que podedes ver na imaxe. Póster impreso pola Asesoría BEGA e que xa forma parte do noso colexio.
Uns Encontros moi emotivos pola necesidade de reencontrarnos persoalmente, non a través das frías pantallas, e moi enriquecedores pola formación recibida ao longo da xornada.
Parabéns a Asesoría, unha vez máis, por posibilitarnos o encontro e a necesaria formación continua e de calidade.
Ningún comentario:
Publicar un comentario