Pondo cara a... 18 Escritoras Galegas!

Co gallo da conmemoración do Día das Escritoras (18 de outubro) e o tan próximo Día das Bibliotecas (24 de outubro) unimos ámbalas dúas celebracións a través da Tarefa Integrada a desenvolver no Laboratorio Documental, o cal estamos a implementar este mes de outubro.

Baixo o título "Pondo cara a...18 Escritoras Galegas" o alumnado porá en práctica a Formación de Usuari@s da nosa Biblioteca e a Alfabetización en Información para asociar cada título, cada nome e apelidos á imaxe da escritora correspondente.

Premendo na primeira imaxe accederedes as fotos que as aulas irán subindo segundo vaian realizando a tarefa ao longo da semana.

A seguinte imaxe forma parte da proposta que se entrega ás aulas, premendo na mesma accederedes a información.

A investigar... para coñecer, para valorar!

Laboratorio Documental 1: Rodari&Bibliotecas

Esta semana iniciamos os Laboratorios de Aprendizaxe LeoLab para o alumnado de 3º a 6º de E.P. porque PÓDESE seguir ensinando, educando con metodoloxías activas nas que todo o noso alumnado sexa protagonista das súas aprendizaxes.

O Laboratorio Documental 1 levouse a cabo co subgrupo de alumnado de 3º, o grupo 1: 3ºA.

A exposición Fantasía Rodari serviu de punto de partida á primeira sesión deste laboratorio, no cal investigamos e puxemos en práctica como se identifican os libros.

Libros de Gianni Rodari e outros/as autores/as da nosa Biblioteca, celebrando así o centenario do autor (23 de outubro) e o Día das Bibliotecas (24 de outubro)

Picando na imaxe accederedes ao álbum de fotos da sesión.

Festas en Outubro

...¡e rematou outubro!
Marchou cargado de celebracións e de días bonitos: o día da biblioteca, o Samaín (que noutros sitios lle chaman jaloguín :-)e esa nova inesperada do Premio Nacional de Literatura Infantil e Xuvenil para Agustín Fernández Paz.

O cole estaba precioso cheo de cabazas, de marcapáxinas lindos, lindos... e a biblioteca coma decote: fervendo.

Dámoslle a benvida a Novembro... ¡que tamén promete!