Mirandos ás estrelas

Onte miramos as estrelas. É verdade que habitualmente acudiamos ó Planetario da Coruña pero este ano fixemos que as estrelas viñeran a nós. E todos: desde Infantil a 6º fomos pasando por ese espazo máxico que montaron no pabillón.
Parece pequeno, pero colliamos todos perfectamente ¡ata Alberto coa cadeira de rodas!
Foi un día celestial. Mirade:

Temos tamén, estes días, unha selección bibliográfica sobre o Universo, as estrelas e a lúa que xa estades a usar.

Aniversario

Hoxe é o momento de falar do aniversario da chegada do Apolo XI á Lúa hai 40 anos. De contarvos cousas de Amstrong, Aldrin e Collins que quedaron para sempre na nosa memoria. Pero eso xa o fixeron os xornais do día e limitareime a deixarvos os enlaces:
Especial do diario El Mundo (moi documentado)
Diario El PAIS
A NASA

Para min, a Lúa segue a ser un personaxe literario, un escenario para os contos e para os soños... e lembro libros coma este que recrearon os nenos e nenas de 2º o curso 07/08.

A lúa é ese lugar en forma de C maiúscula , bañadiño en mel no que aparecían sentados os ratiños na última páxina de La ratita presumida na versión que eu tiña de nena.