Lectura e Familias 2025-26

Un curso máis, e xa van catro, desenvolvemos o programa Lectura e Familias: educa-tribo.

Un programa que permite a lectura compartida coas familias e entre iguais, así como sesións formativas.

Achegamos listaxe das actividades que se inclúen no programa:

• Aniversarios lectores, que mellor regalo que unha lectura compartida coa familia.

• Hoxe le..., sesións de lecturas compartidas entre iguais.

• Educa-tribo, sesións formativas impartidas polas familias: lámpadas de lava, calceta, pintura e flores con lazos.
• Concerto de Pakolas, As máis molonas!, programado para pechar o curso escolar.

Agradecid@s a toda a comunidade pola súa colaboración e implicación na implementación do programa, que inclúe actividades xa sistematizadas na nosa biblioteca.

Felices lecturas!

Biblioteca creativa: "Unha formación... DE CINE!"

 Os pasados martes 5 e 12 de maio o alumnado de 4º, 5º e 6º de Educación Primaria recibiu a formación de Andrés Sanjurjo, da produtora Acariño Films. Con el viviron a experiencia de como é realmente planificar, elaborar e gravar unha película.

Nun primeiro achegamento, explicoulles diferentes aspectos do cine: as súas fases, os planos, os equipos artísticos cos que contar para poder facer unha produción audiovisual... Despois, en grupos, o alumnado deseñou a súa propia curtametraxe, onde debían consensuar aspectos relevantes como, no só o guion e os actores, senón o vestiario, a escenografía, os cámaras ou os especialistas de son.

O seguinte martes, Andrés acompañou e guiou ao alumnado na realización de todas as tarefas para crear a súa propia curtametraxe: o alumnado repartiuse nos diferentes equipos, como dirección, cámaras, técnicos de son... A implicación de todo o alumnado foi incrible, consensuando cada decisión que había que tomar e actuando como verdaderos profesionais deste marabilloso sector.

Grazas pola implicación, Andrés! Cativada e profesorado aprendimos moitísimo! 

Se clicades aquí, podedes ver o guion elaborado, con mooooita axuda de Andrés, por cada un dos grupos de alumnado. Clica na imaxe para acceder á galería!

Esta actividade está enmarcada dentro do programa Biblioteca Creativa da Consellería de Educación.

Formación Radio na biblio

Premer na imaxe para acceder á galería de fotos

O alumnado de 4º e 5º de primaria desenvolveron a formación de Radio na biblio con Damián Alonso, de Ponte... nas Ondas!

As/os biblioaxudantas/es de Radio na biblio (5º de primaria) e o alumnado que os sucederá o vindeiro curso (4º de primaria) traballaron técnicas de expresión oral xunto coa edición dun guión e a súa posterior gravación.

O vindeiro curso, máis (in)formación!

Lectura e familias: educa-tribo

Un curso máis, e xa van tres, desenvolvemos o programa Lectura e Familias: educa-tribo.

Un programa que permite a lectura compartida coas familias e entre iguais, así como formación para toda a comunidade.

Achegamos enlaces ao álbum de fotos das lecturas compartidas e das formacións, premer en cada título para acceder:

• Aniversarios lectores, que mellor agasallo que unha lectura compartida en familia.

• Hoxe le..., sesións de lecturas compartidas entre iguais.

• Pedra a pedra impartido por Ana Chouciño.

• Experimentando impartido por Lourdes Andrade.

• Nadal en familia! impartido por diversas familias, baixo a organización de cada titoría.

• Horticultura impartido por Belén Garrido.

• Bólas mariñeiras impartido por Uxío Amigo.

• Receitas de Entroido impartido por Isabel Rodríguez.

Agradecid@s a toda a comunidade pola súa colaboración e implicación na implementación do programa, que inclúe actividades xa sistematizadas na nosa biblioteca.

O vindeiro curso máis lectura e familias!

 

Coñecendo a... Photon Robot!

O alumnado de 1º, 2º e 3º de primaria, grazas ao orzamento do Programa Innova, coñeceu e experimentou con Photon Robot, un novo recurso da nosa biblio creativa.

Da man de Flor, de Maker Store by Allknow de Carballo, programaron a Photon Robot para chegar a diversas emocións que foron descubrindo mediante un relato contado.

Premer na imaxe para acceder á galería de fotos

Seguimos ampliando recursos e formación en programación e intelixencia artificial para mellorar o ser e o saber... facendo!

 

FAMILIAS (in)FORMÁNDOSE: convivencia

Iniciamos o 2º trimestre coa formación impartida a familias ao redor da convivencia.

O vindeiro luns 20 de xaneiro, na nosa biblio, esperamos contar coas familias, que teñan dispoñibilidade, para seguir formándonos en comunidade da man de Tamara Rodríguez de Asociación Vieiro (Carballo)

Unha oportunidade de formación impartida por unha profesional que nos axudará, a familias e profesorado, a medrar persoal e socialmente.

Do Milladoiro a Albacete: XII Jornada de bibliotecas escolares y proyectos de lectura

BE-Leolab y su visión 3C: Comunicación, Ciencia y Creatividad de Fátima Romero Olveira

O pasado 20 de novembro asistimos á XII Jornada de bibliotecas escolares y proyectos de lectura que se celebrou en Albacete.

Unha xornada á que fomos invitad@s para falar sobre a nosa escola bibliotecaria: CEIP Milladoiro de Malpica de Bergantiños, unha escola pública e rural que, en comunidade e con identidade, persegue, curso tras curso, a mellora da calidade educativa ao abeiro da súa BE-LeoLab.

Un pracer compartir experiencias educativas con compañeir@s de Albacete que uniron forzas, bibliotecas escolares e bibliotecas públicas, para facilitar formación de calidade a mestras/es, bibliotecari@s... Formación que, en Galicia, é unha realidade desde hai máis de 15 anos coas Xornadas e Encontros desenvoltos pola Asesoría BEGA.

Agradecid@s de que tiveran en conta o noso proxecto de escola bibliotecaria, só nos queda dicir que seguimos traballando con corazón, responsabilidade e humildade por e para unha educación inclusiva, equitativa e de calidade (obxectivo 4 da Axenda 2030)

Leo le... ENSINO!

 

Premer na imaxe para acceder á galería de fotos

Presentamos a exposición Leo le... ENSINO! que, coincidindo coa celebración do Día do Ensino, quere pór o foco na formación continua do profesorado, na busca da calidade educativa.

Libros para tod@s, para informarse e formarse, para desenvolver metodoloxías activas acordes ao tempo no que vivimos e, sempre, prestando especial atención ao benestar persoal e social d@s nen@s.

Aprendizaxe ao longo da vida, hoxe e sempre!

Lectura e Familias: educa-tribo

Presentamos dous resumos audiovisuais do desenvolvemento do programa Lectura e Familias ao longo do curso 2023-24, no cal enmarcamos o noso proxecto Educa-Tribo: lectura e formación.

Ao tempo, achegamos enlaces aos álbums de fotos das lecturas compartidas e das formacións, premer en cada título para acceder:

• Aniversarios lectores

• Hoxe le...

• Efectos sonoros impartido por Alberto Ordóñez

• Como se obtén a fariña de millo? impartido por Mª Belén Garrido

• Buxainas... ao camiño! impartido por Adrián Verdes

• Creando... pompóns! impartido por Eva Cancela

• Merendas... saudables? impartido pola aula de 4º de primaria

• Xogos de mesa impartido por Leticia, Noa e Mara P. de 6º de primaria

• Scratch. Programando! impartido por Celia, Ainoa e Damián de 5º de primaria

Un curso máis, agradecemos a colaboración da comunidade: familias, nen@s e profesorado.

O vindeiro curso, en comunidade, máis lectura por placer e para informarse.

Formación Biblio Creativa: Tale-Bot

Pechamos as formacións de Biblio Creativa, impartidas por Maker Store, coa robótica.

Unha xornada na que o alumnado de infantil, da man de Cati, descubriu os múltiples robots que nos acompañan no día a día (lavadoras, aspiradoras...) e descubriu con Tale-Bot un mundo de animais, reciclaxe e arte.

Premer na imaxe para acceder á galería de fotos

Tale-Bot, un robot, que lles permitiu achegarse ao mundo da programación e a secuenciación: organización do pensamento, resolución de problemas e creatividade.

O vindeiro curso, na nosa biblio... máis creatividade en acción!

Formación Biblio Creativa: E-textiles

O alumnado de 6º de primaria desenvolveu a formación de Biblio Creativa da man de Cati e Flor de Maker Store (Carballo).

Os e-textiles foron o contido protagonista: tecidos que inclúen compoñentes electrónicos como baterías, LEDs, sensores...

Nen@s desenvolvendo as súas habilidades creativas, artísticas e pensamento computacional, habilidades do século XXI.

Premer na imaxe para acceder á galería de fotos

Unha vez máis, Cati e Flor primaron o proceso sobre o produto final, un proceso altamente creativo e de autocoñecemento.

Un fin de trimestre entre fíos condutivos, LEDs e... creatividade!

Formación Biblio Creativa: programando!

Pechamos o 2º trimestre coa formación de Biblioteca Creativa impartida, por Cati e Flor de Maker Store (Carballo), ao alumnado de 1º ciclo de primaria.

Premer na imaxe para acceder á galería de fotos

Unha xornada na que desenvolveron a programación por bloques mediante a ferramenta Scratch Junior, a cal se pode acceder premendo no seguinte enlace:

SCRATCH JUNIOR

Ao tempo, achegamos enlace ao recurso recollido na nosa páxina "Recursos dixitais" para saber máis:

• Scratch Jr: aprendiendo a programar y programando para aprender

Agradecemos a Cati e Flor o seu bo facer, nen@s disfrutaron da sesión aprendendo a programar, ademais de aprender a organizar o seu pensamento, a resolver problemas, a ser creativ@s...

Continuará...

Formación Radio na Biblio: contar contos... na radio!

Un curso máis, o alumnado de 5º de primaria desenvolveu a formación de Radio na Biblio. Este curso adicada á mellora da Competencia en Comunicación Lingüística con Soledad Felloza.

As técnicas vocais, a expresión oral, a entoación..., entre outros aspectos, foron tratados ao longo da xornada lectiva; así como a lectura de diversos exemplares a disposición na nosa biblio: Animais de compañía ou Animalario de ler a diario. Premendo na seguinte imaxe accederedes ao álbum de fotos da xornada.

Un pracer contar con profesionais como Soledad para a formación do noso alumnado.

FAMILIAS (in)FORMÁNDOSE: novas tecnoloxías e redes sociais

O vindeiro luns 11 de marzo de 16 a 18 horas, na nosa biblio, contaremos coa Asociación Vieiro de Carballo para seguir informándonos, formándonos.

As novas tecnoloxías e as redes sociais serán os contidos a tratar: o seu uso e como ensinar/previr os seus riscos.

Seguimos crendo na información como fonte de formación continua, de aprendizaxe ao longo da vida e no imprescindible papel das familias como primeira escola: inFORMÁNDONOS en comunidade.

Xornada "Boas Prácticas" no CEIP Milladoiro

BE-LeoLab Milladoiro de Fátima Romero Olveira

 Achegamos a presentación que desenvolvemos o pasado luns 15 de xaneiro, en horario de tarde, na "Xornada de Boas Prácticas" promovida polo CFR (Centro de Formación e Recursos) de A Coruña, desde o seu centro comarcal de Vimianzo, no noso centro.

Unha tarde entre compañeir@s para seguir formándonos e mellorando a educación que se oferta nas nosas escolas, rurais e galegas. De 20 centros convidados asistiron máis de 30 compañeir@s que ocupan cargos directivos e/ou coordinan o programa "Polos Creativos", centros cercanos e lonxanos, polo que agradecemos o súa asistencia, fóra de horario lectivo, para compartir experiencias docentes.

Ao tempo, agradecemos ao CFR a organización da xornada e o seu interese por divulgar o que somos e facemos na nosa "escola bibliotecaria": unha biblioteca creativa, inclusiva, aberta e ubicua ao servizo do currículo e da comunidade.

Ademais da difusión na nosa bitácora, tamén foi recollido por La Voz de Galicia na sección comarcal. Premendo no seguinte enlace accederedes á nova:

• "Un modelo para aprender a enseñar" (nova de La Voz de Galicia, sección Carballo do 16-01-2024)

Seguimos crendo que outras realidades educativas son posibles, non só dotando aos centros con recursos creativos, se non cambiando a visión e contando coas imprescindibles bibliotecas escolares como espazos creativos e de aprendizaxe, como motores de innovación, en todos os centros; transitando a metodoloxías activas nas que @s nen@s sexan protagonistas das súas aprendizaxes. Situacións de aprendizaxe para tod@s, que nos permiten seguir investigando, experimentando, construíndonos, emocionándonos, curso tras curso, aprendendo dos nosos erros e apoiándonos nas nosas fortalezas: 

                     aprendizaxes... de vida e para a vida!

Se a nosa experiencia educativa é válida para que outras comunidades inicien a trans-formación (transdisciplinariedade, transversalidade, formación de calidade e continua) cara unha educación de calidade, inclusiva e equitativa, pagou a pena, xa que cremos que compartir, enriquécenos.

Leo le... ENSINO!

Premer na imaxe para acceder á galería de fotos

Seguimos alimentando a formación e a información mediante a exposición que, desde comezo de curso, divulgamos: Leo le... ENSINO!

Unha exposición que se vai renovando ao longo do curso e que é imprescindible como recurso documental para a mellora da nosa práctica docente, para apoiar/nutrir o deseño de tarefas integradas, para aprender ao longo da vida.

Continuará...

Galeg@s Ilustres (Alouette Machine)

Presentamos o mural, que xa forma parte da nosa entrada ao cole, realizado coa imprenta ambulante Alouette Machine grazas ao orzamento de biblioteca creativa e no que se plasma en forma de encrucillado os nomes de persoeir@s importantes da nosa cultura.

Lectura e Familias con Sonia Hermida

 Así pechou Sonia Hermida a súa fantástica formación ao redor da literatura e os libros.

Sonia foi levándonos por diversidade de temáticas e xéneros de calidade contrastada, como os exemplares que conforman a nosa biblio e outros novos que nos foi descubrindo e que pronto formarán parte do noso catálogo.

Premer na imaxe para acceder á galería de fotos

Un pracer contar con formación de altísima calidade, grazas a programas como Lectura e Familias, que nos permiten seguir medrando en aprendizaxes de vida.

Lectura e Familias: formación con Sonia Hermida

O vindeiro luns 8 de maio, dentro do programa Lectura e Familias, desenvolveremos unha nova sesión de formación da man de Sonia Hermida.

Sonia Hermida é xornalista especializada no ámbito da educación, mediadora e investigadora en Literatura Infantil e Xuvenil. Asemade, é colaboradora da cadena SER co espazo semanal Jugando a criar en Radio Coruña. 

Convidamos a todas as familias, de 16 a 17 horas, a seguir coñecendo e seleccionando lecturas de calidade para compartir en familia.

Lectura e Familias con Charo Pita

Premer na imaxe para acceder á galería

Unha tarde abrazando palabras coa marabillosa Charo Pita, que abarcou o fabuloso, as brincadeiras, os cantos e os contos.

Familias, nen@s e profesorado saímos encantad@s da sesión de formación impartida dentro do programa Lectura e Familias, a cal aproveitamos para facer entrega do tríptico informativo e duns marcapáxinas de agasallo.