Lab. Documental: XII Semana das Lecturas Terroríficas

Presentamos os produtos finais do Laboratorio Documental, que implementamos ao longo deste mes de outubro, arredor das nosas tradicións orais: cantigas, refráns, lendas... e recollido na proposta de actividades do 1º trimestre.

Este curso, ao igual que o pasado, non temos a posibilidade de celebrar a Semana de Lecturas Terroríficas na nosa Biblioteca; mais non perde a súa esencia e seguimos a conmemorar un Samaín lector en diferentes formatos e soportes.

Premendo nos seguintes enlaces podedes desfrutar das producións de cada nivel:

• 5º E. Infantil: tradición oral malpicana

• 6º E. Infantil e 1º E. Primaria: lendas

• 2º E. Primaria: cantigas

• 3º E. Primaria: lendas

• 4º E. Primaria: lendas

• 5º E. Primaria: lendas

• 6ºA E. Primaria: lendas

• 6ºB E. Primaria: lendas

Parabéns a todas e todos polos fantásticos produtos finais!

Celebramos un Samaín... lendario!

Laboratorio Documental: formación

Iniciamos os Laboratorios de Aprendizaxe, co alumnado de 2º e 3º ciclo de E. Primaria, desenvolvendo a formación do Laboratorio Documental: Formación de Usuari@s e Alfabetización en Información.

Premendo na primeira imaxe accederedes ao álbum de fotos das sesións.

Esta formación é a base para a implementación dos restantes laboratorios ao longo do curso, sendo usuari@s competentes da BE-LeoLab Milladoiro, aprendendo a investigar, a documentarse.

A pasada semana foi a quenda do alumnado de 2º de Primaria, que xunto co alumnado de 1º de Primaria e de E. Infantil, irán tratando a Formación de Usuari@s para os primeiros niveis: normas da Biblioteca, historia da serea Leo, espazos...

A partires desta formación, cada aula está a desenvolver a proposta do Laboratorio Documental arredor da tradición oral de Malpica e a Costa da Morte: cantigas, contos, refráns, lendas...; a cal presentarán ao resto de compañeiros/as, ao longo da presente semana, a través da publicación no blog de cada ciclo, ante a imposibilidade de reunirnos na nosa Biblioteca para celebrar a nosa XII Semana das Lecturas Terroríficas.

Deseguro os produtos finais de todos e todas serán... lendarios!

Pondo cara a... 18 Escritoras Galegas!

Co gallo da conmemoración do Día das Escritoras (18 de outubro) e o tan próximo Día das Bibliotecas (24 de outubro) unimos ámbalas dúas celebracións a través da Tarefa Integrada a desenvolver no Laboratorio Documental, o cal estamos a implementar este mes de outubro.

Baixo o título "Pondo cara a...18 Escritoras Galegas" o alumnado porá en práctica a Formación de Usuari@s da nosa Biblioteca e a Alfabetización en Información para asociar cada título, cada nome e apelidos á imaxe da escritora correspondente.

Premendo na primeira imaxe accederedes as fotos que as aulas irán subindo segundo vaian realizando a tarefa ao longo da semana.

A seguinte imaxe forma parte da proposta que se entrega ás aulas, premendo na mesma accederedes a información.

A investigar... para coñecer, para valorar!

Semana da Paz e Lab. Documental

Dende o venres 29 de xaneiro ata o xoves 4 de febreiro conmemoramos a Semana da Paz a través de contos valorados, lecturas compartidas.

As lecturas compartidas son un dos produtos finais do Laboratorio Documental implementado ao longo deste mes de xaneiro e que nos levou a crear/actualizar recursos dixitais coma:

• Formación de Usuari@s
• Guía de Usuari@s, tamén en formato papel para todo o alumnado e o profesorado.

Picando nos enlaces da seguinte listaxe poderedes acceder aos diferentes vídeos, enlaces que se irán activando segundo as aulas vaian publicando as súas lecturas no blog de ciclo ao longo desta Semana da Paz:

• 4º E. Infantil: Hasta que podamos abrazarnos.
• 5º-6º E. Infantil: Hasta que podamos abrazarnos.
• 1º E. Primaria: Avós.
• 2º E. Primaria: A mellor sopa do mundo.
• 3º E. Primaria: Lendas do recreo. A media hora dos heroes.
• 4º E. Primaria: Contos por teléfono.
• 5ºA E. Primaria: Migrantes.
• 5ºB E. Primaria: Valados.
• 6º E. Primaria: Rosa caramelo

Parabéns a todas/os polos vosos agasallos en forma de ricas lecturas de vida: convivencia, diversidade, amor, amizade, igualdade, respecto, paz; que enriquecen o noso mundo interior e exterior.

Exposición "Leo le...PAZ!"

A exposición Leo le...PAZ! vai conformándose, entre outros, cos exemplares tratados a través do Laboratorio Documental.

Cada grupo-clase coloca nun lugar da exposición o libro recuperado da Biblioteca xunto cun marcapáxinas-pomba que contén: valor/es e código QR que enlaza á lectura compartida publicitada no blog de cada ciclo.

Picando na imaxe podedes acceder ao álbum de imaxes da exposición que nos acompañará este 2º trimestre para seguir medrando entre libros.

Grazas a todas/os pola vosa extraordinaria colaboración!

Guía de Usuari@s

Rematando o Laboratorio Documental, deste mes de xaneiro, imos repartir a Guía de Usuari@s actualizada onde se recolle a información básica da nosa Biblioteca para saber, facer...

Picando na imaxe accederedes a ela e tamén dispoñible na columna dereita deste blog.

A seguir formándonos no noso colexio, na nosa BE-LeoLab!

BE-LeoLab: Formación de Usuari@s

Iniciando o 2º trimestre co Laboratorio Documental xurdiu a necesidade de ofertar un recurso interactivo para a Formación de Usuari@s e para asentar o concepto BE-LeoLab Milladoiro, evolución paulatina que tivo un gran pulo ao acollernos ao plan centros LIA.2 e que posibilitou a extensión da Biblioteca en diferentes espazos creativos por todo o colexio. 

Reforzamos, pois, a Formación de Usuari@s iniciada no 1º trimestre con este panel interactivo da nosa Biblioteca que recolle funcionalidades, entre outras, coma: 

• Exploración da organización espacial (etiquetas en cada letreiro alfabetizado ou numérico)
• A nosa CDU con iconas inclusivas para facilitar a localización e recuperación de exemplares (páxinas interactivas con diferentes iconas)
• Punto de autoempréstito (ventá con información básica)
• Premendo na serea Leo repaso dos diferentes espazos creativos que acollen os fondos catalogados coa icona da CDU correspondente.

Este recurso foi elaborado polo equipo Tecnolóxico e o equipo de BE-DL baixo a coordinación da Xefatura de estudos.

Unindo bo facer, esforzos e saber nacen xoias coma esta para o noso alumnado, para a nosa comunidade educativa.