No día de hoxe, pechamos o programa Lectura e Familias 2025-26 co concerto de Paco Cerdeira, Pakolas, con As máis molonas!
Un concerto para toda a comunidade, celebrando o acto da lectura en múltiples formatos, entre eles contar e cantar.
Agradecid@s a Pakolas polo seu rock infantil que, narrado con música e humor, gustou a peques e maiores.
Un curso máis, e xa van catro, desenvolvemos o programa Lectura e Familias: educa-tribo.
Un programa que permite a lectura compartida coas familias e entre iguais, así como sesións formativas.
Achegamos listaxe das actividades que se inclúen no programa:
Agradecid@s a toda a comunidade pola súa colaboración e implicación na implementación do programa, que inclúe actividades xa sistematizadas na nosa biblioteca.
Felices lecturas!
Convidamos a toda a comunidade, a partir das 12:00 h., a pechar o programa Lectura e Familias con Migallas Teatro no adro da igrexa de Malpica, se o tempo o permite, en caso contrario a función desenvolverase no colexio.
Animádevos a pasar unha divertida xornada... en familia!
Chegou o día e, por causas alleas ao centro, pechamos o programa Lectura e Familias con Carlos Yuste de Migallas Teatro na nosa biblio e celebrando o Día do Medio Ambiente: contos naturais, pan de milllo... Unha xornada con gran afluencia de familias, ás que agradecemos a súa asistencia, e do máis divertida entre contos e cantos.
.jpg)
Un curso máis, e xa van tres, desenvolvemos o programa Lectura e Familias: educa-tribo.
Un programa que permite a lectura compartida coas familias e entre iguais, así como formación para toda a comunidade.
Achegamos enlaces ao álbum de fotos das lecturas compartidas e das formacións, premer en cada título para acceder:
Agradecid@s a toda a comunidade pola súa colaboración e implicación na implementación do programa, que inclúe actividades xa sistematizadas na nosa biblioteca.
O vindeiro curso máis lectura e familias!
Ao longo do mes de decembro e grazas á colaboración das familias, as aulas desenvolveron diversos educa-tribo para celebrar a chegada do Nadal... en familia!
Nos diversos blogs de ciclo aparecen os educa-tribo implementados, creatividade en acción: adornos, sobres, postais, pompóns, galletas, minilibros e ata teatro na biblio.
Agradecid@s a todas as familias colaboradoras: educa... a tribo enteira!
Presentamos dous resumos audiovisuais do desenvolvemento do programa Lectura e Familias ao longo do curso 2023-24, no cal enmarcamos o noso proxecto Educa-Tribo: lectura e formación.
Ao tempo, achegamos enlaces aos álbums de fotos das lecturas compartidas e das formacións, premer en cada título para acceder:
Un curso máis, agradecemos a colaboración da comunidade: familias, nen@s e profesorado.
O vindeiro curso, en comunidade, máis lectura por placer e para informarse.
O vindeiro luns 13 de maio, ás 16:00 horas, na nosa biblio contaremos con Migallas Teatro e a súa función "O libro máxico"
O programa Lectura e Familias posibilita, un curso máis, que poidamos dinamizar actividades culturais para a nosa pequena comunidade.
Diversión e aprendizaxe para tod@s.
Achegamos o álbum de imaxes da xornada tan divertida que vivimos na nosa biblio con Migallas Teatro. María e Carlos leváronnos por mundos máxicos grazas a... UN LIBRO! Nen@s e familias gozaron xunt@s, valorando o poder máxico da lectura.
.jpg "CEIP Milladoiro.Malpica")
Presentamos o desenvolvemento do proxecto Educa-Tribo, enmarcado no programa Lectura e Familias, ao longo do 3º trimestre.
Un trimestre no que lecturas e formacións, con familias e entre iguais, foron a clave para desenvolver actitudes, habilidades e coñecementos.
Unha verdadeira marabilla cada sesión de lecturas compartidas Hoxe le...; así como cada un dos educa-tribo nos que @s expert@s, de maneira totalmente altruísta, compartiron os seus coñecementos, a súa experiencia cos demais.
Parabéns e grazas a nen@s e... familias!
Continuará...
Sonia foi levándonos por diversidade de temáticas e xéneros de calidade contrastada, como os exemplares que conforman a nosa biblio e outros novos que nos foi descubrindo e que pronto formarán parte do noso catálogo.
.jpg "CEIP Milladoiro. Malpica")
Un pracer contar con formación de altísima calidade, grazas a programas como Lectura e Familias, que nos permiten seguir medrando en aprendizaxes de vida.
O vindeiro luns 8 de maio, dentro do programa Lectura e Familias, desenvolveremos unha nova sesión de formación da man de Sonia Hermida.
Sonia Hermida é xornalista especializada no ámbito da educación, mediadora e investigadora en Literatura Infantil e Xuvenil. Asemade, é colaboradora da cadena SER co espazo semanal Jugando a criar en Radio Coruña.
Convidamos a todas as familias, de 16 a 17 horas, a seguir coñecendo e seleccionando lecturas de calidade para compartir en familia.
.jpg)
Premer na imaxe para acceder á galería
Unha tarde abrazando palabras coa marabillosa Charo Pita, que abarcou o fabuloso, as brincadeiras, os cantos e os contos.
Familias, nen@s e profesorado saímos encantad@s da sesión de formación impartida dentro do programa Lectura e Familias, a cal aproveitamos para facer entrega do tríptico informativo e duns marcapáxinas de agasallo.
.jpg "CEIP Milladoiro. Malpica")
Dentro do programa Lectura e Familias convidamos a familias e nen@s de 3 a 9 anos a divertirse explorando e estreitando as relacións familiares, abrazando non só co corpo, senón tamén... coas palabras!
Presentamos o desenvolvemento do proxecto Educa-Tribo que enmarcamos dentro do programa Lectura e familias.
Un trimestre de lecturas e formacións compartidas entre iguais e coas familias, un trimestre no que nos divertimos aprendendo... xunt@s!
Presentamos, en formato audiovisual, o resumo das lecturas compartidas ao longo do 1º trimestre dentro do proxecto Educa-Tribo: Hoxe le...
Proxecto que iniciamos no presente curso para seguir educando en comunidade e que organizamos en dúas liñas: lecturas compartidas e formacións compartidas.
Asemade, presentamos o proxecto ao programa Lectura e Familias convocado pola Consellería de Educación mediante a Asesoría BEGA e fomos seleccionados, coa dotación económica correspondente, para seguir impulsando a participación da comunidade na tarefa de tod@s: EDUCAR xunt@s!
O vídeo contén os audios cos que iniciamos e pechamos cada sesión Hoxe le..., audios extraídos dos audiocontos de Editorial Galaxia que ambientan cada sesión e tanto gustan a pequen@s e maiores.
Premer no seguinte enlace para acceder ao álbum de fotos:
Continuaremos... no 2023!
