Leo le... BANDA DESEÑADA!

Premer na imaxe para acceder á galería de fotos

Presentamos a exposición permanente Leo le... BANDA DESEÑADA!. Exposición creada para divulgar exemplares en formato de narrativa gráfica.

Seguimos crendo na banda deseñada ou cómic como unha ferramenta de alto valor pedagóxico, grazas á combinación de narrativa visual e textual, que facilita unha lectura áxil, mellorando a comprensión lectora e fomentando a creatividade. 

Unímonos á conmemoración, no día de hoxe, do cómic. Unha porta máxica magnífica ao hábito lector por placer ou para informarse,  hoxe e todos os días do ano.

Semana da prensa: O Papagaio

Do 9 ao 15 de marzo conmemoramos a Semana da Prensa 2026 co expositor permanente do xornal O Papagaio.

Animamos á comunidade a facer uso do xornal da xente miúda, un xornal en galego que, atendendo á actualidade, achega diversidade de contidos con alto valor educativo.

Premendo no seguinte enlace accederedes á páxina web do xornal e ao seu quiosco dixital facendo uso das credencias dadas ao comezo de curso:

• O Papagaio, o xornal da xente miúda

Un xornal, en soporte papel ou dixital, para seguir informándose e gozando da lectura como fonte de placer e benestar.

Exposición 8M: Galegas nas artes

Premer na imaxe para acceder á galería de fotos

Presentamos a nova exposición temporal, Galegas nas artes, con diversidade de recursos bibliográficos para dar apoio á proposta de actividades relacionadas co PDI de centro, concretamente á Semana da Muller 2026.

Os grupos-aula contan con exemplares para informarse, para investigar arredor dunha muller galega destacada nalgunha das sete artes e redactar a súa biografía, proposta esta do equipo de 2º ciclo de educación primaria.

Muller, Galicia e Arte conforman o trío protagonista para conmemorar o 8M.

AS NOSAS LETRAS: Rosalía de Castro

Premer na imaxe para acceder á galería de fotos

Conmemoramos o Día de Rosalía de Castro coa exposición AS NOSAS LETRAS, exposición trimestral que acolle exemplares de diversas autorías galegas.

Exposición da que o alumnado de 4º de infantil fixo bo uso, celebrando o Día de Rosalía e desenvolvendo a biografía da autora en relación coa Semana da Muller 2026, adicada a mulleres galegas relevantes en diversas artes, e o PDI que nos ocupa.

Premer na imaxe para acceder a máis información

Feliz Día de Rosalía, hoxe e todos os días do ano!

Entroido 2026: EntroidARTE!

Premer na imaxe para acceder á galería de fotos

EntroidARTE! foi o lema elexido para celebrar o Entroido 2026. Un Entroido adicado ao PDI de centro, onde as artes protagonizaron o desfile no pavillón municipal, por mor das condicións meteorolóxicas.

Literatura, pintura e música foron as artes representadas polos grupos-aula. Un desfile do máis colorido e musical.

Feliz Entroido a tod@s!

4º EP_ Entroido 2026

 Neste ano 2026, o alumnado de 4º, xunto a 3º de primaria, disfrazámonos de directores de orquestra.

O Proxecto de Centro deste ano versa sobre as 7 Artes. Unha delas é a música, que tantas emocións e benestar provocan a tódalas persoas. 

Esperamos que vos gustara!

Clica na imaxe para acceder á galería!

Día Mundial da Radio 2026

Celebramos o Día Mundial da Radio cun programa moi especial en relación co noso PDI "Marabillarte".

O alumnado de 5º de primaria dá voz a diversos/as personalidades das artes galegas.

Esperemos que vos guste e feliz Día da Radio.

EmocionARTE pola Paz!

Premer na imaxe para acceder á galería de fotos

Premer na imaxe para acceder ao documento

Conmemoramos o Día Escolar da Non Violencia e a Paz coa proposta do equipo de biblioteca-dinamización da lingua: emocionARTE pola Paz!

Unha proposta encamiñada a dar tratamento ás emocións en relación coas 7 artes que presiden o PDI de centro: Marabillarte. Proposta que recolle múltiples recursos dixitais para coñecer, investigar e informarse mediante o mural que preside o corredor do 1º andar e a enquisa en liña para realizar as valoracións finais mediante emoticonas.

A conmemoración completouse coa actuación, na nosa biblioteca, do alumnado de 3º de primaria. O coro das emocións, enmarcado dentro do programa Educación Responsable e dirixido polo mestre de Música, Keko, emocionou a pequen@s e maiores. Parabéns pola emotiva actuación!

Seguimos poñendo o acento nas emocións e nos valores da cultura da paz, educando por e para a paz todos os días do ano, fuxindo da polarización e da pasividade, crendo en comunidades éticas e cívicas.

Exposición 2º trimestre: emocionARTE!

 Premer na imaxe para acceder á galería de fotos

Presentamos a exposición do 2º trimestre, a disposición de toda a comunidade. Exposición que acolle exemplares diversos relacionados coa necesidade de emocionarse, do necesario tratamento de valores cívios, de convivencia e paz.

Exemplares que complementan a actividade proposta, en relación co PDI que nos ocupa, polo equipo de biblioteca-dinamización da lingua: emocionARTE pola Paz!

Un trimestre máis achegamos recursos bibliográficos á comunidade para seguir informándose, formándose, investigando... Recursos de alto valor educativo e formativo.

Este Nadal desexamos... marabillARTE!

Guía de Nadal 2025

Guía de Nadal 2025_BE Milladoiro de Fátima Romero Olveira

Un ano máis chega a guía de Nadal. Unha guía que recolle lecturas diversas para lectores/as divers@s.

Un Nadal cheo de palabras. Lecturas que acollen palabras emocionantes, divertidas, curiosas, rebuldeiras para compartir, informarse, rir...

A seguinte imaxe reflicte a exposición de Nadal, a cal acolle máis lecturas para agasallar.

Regalos para este Nadal ou calquera día do ano. 

Biblio-Retos: RETARTE!

Premer na imaxe para acceder á galería de fotos

Ao longo do 1º trimestre os biblio-retos do mural RETARTE! tiveron moi boa acollida.

A arquitectura, a pintura e a música foron as tres artes protagonistas. O alumnado, de maneira voluntaria, ocupou os seus recreos en superar os retos mediante os cadernos-informe que debían depositar na urna correspondente para ser valorados e recibir o premio final. Todos/as superaron os retos sen dificultade.

O cine, a escultura, a danza e a literatura serán as artes que dean continuidade a esta actividade nos próximos trimestres. Actividade relacionada co PDI que nos ocupa e dinamizada polo equipo de Biblioteca-Dinamización da Lingua, co obxectivo de desenvolver a alfabetización múltiple e o acceso á información mediante os recursos da biblioteca.

A túa biblioteca busca... retARTE!

Clásicos.. do mes!

Premer imaxe para accede á galería de fotos

Este curso inauguramos nova exposición na biblioteca, atendendo á literatura como arte recollida no PDI de centro. Concretamente á literatura clásica, lecturas atemporais e universais que se instalan, moitas veces, no imaxinario de todas/os sen a necesidade de ser lidas.

Visibilizar exemplares de tan alto valor educativo e cultural é imprescindible; así Ítalo Calvino recórdanos que

 "Se llama clásicos a los libros que constituyen una riqueza para quien los ha leído y amado, pero que constituyen una riqueza no menor para quien se reserva la suerte de leerlos por primera vez en las mejores condiciones para saborearlos"

A seguir gozando da literatura, a arte da palabra.

Decálogo inclusivo pola disCAPACIDADE

Hoxe, Día Internacional das persoas con disCAPACIDADE, presentamos o noso decálogo inclusivo. Un decálogo de tod@s, un decálogo diverso para promover os dereitos e o benestar das persoas con disCAPACIDADE.

Valorar hoxe, e todos os días do ano, que tod@s somos capaces sempre e cando... 

SUMEMOS CAPACIDADES!

Mes da Ciencia en Galego nas Bibliotecas 2025

Premer na imaxe para acceder ao recurso creativo

Presentamos o recurso creativo deseñado polo equipo de BE-DL para conmemorar o Mes da Ciencia en Galego nas Bibliotecas.

Un recurso a disposición de toda a comunidade na nosa aula taller e que ten como obxectivo a búsqueda de información para programar o robot educativo elexido e chegar a casa correspondente do taboleiro robótico.

Un recurso para todo o curso escolar, conmemorando o Mes da Ciencia, o Día da Muller, dando tratamento á igualdade de xénero, a dinamización da nosa lingua e ao acceso á información, entre outros contidos.

Ao tempo, achegamos enlace a outros recursos dispoñibles no blog da Asesoría BEGA en relación coa conmemoración:

• Mes da Ciencia en Galego nas Bibliotecas 2025

Por unha ciencia en galego e en igualdade... todos os días do ano!

Leo le.. NOVIDADES!

Premer na imaxe para acceder á galería de fotos

Presentamos as novidades que mercamos e catalogamos ao longo do 1º trimestre do presente curso.

Novidades de literatura de ficción e non ficción: narrativa, banda deseñada, poesía, informativos...

Libros para todos os gustos, para o empréstito a domicilio ou para as aulas, un mar de letras para gozar da lectura como fonte de placer e benestar, para informarse e aprender. 

Valorando a literatura como a arte da palabra e as nosas librarías de proximidade como motores de promoción da lectura e da cultura, xa que hoxe están de celebración como se reflicte na seguinte imaxe:

Imaxe de www.diadelaslibrerias.es

Continuará...

Entrega I Premio "Na lingua que eu falo" da RAG

 

O vindeiro luns 17 de novembro ás 11:00 horas terá lugar no Centro Cívico a entrega do I Premio "Na lingua que eu falo" da Real Academia Galega. Premio a toda unha comunidade implicada e concienciada na dinamización e normalización da nosa lingua nai.

A imaxe reflicte o convite que desde a Dirección do centro se remitiu a diversos membros, propios ou alleos á comunidade, e a cal queremos dar difusión desde o blog da nosa biblioteca.

As portas do Centro Cívico abriranse o luns 17 a todas/os as/os que queiran compartir coa nosa comunidade a entrega de dito galardón da man dos académicos da RAG.

Achegamos a nota de prensa publicada na páxina web da RAG: 

• Nota de prensa da RAG

Premendo no seguinte enlace accederedes as imaxes da entrega do premio:

• Entrega I Premio Na lingua que eu falo da RAG

Magosto 2025

Hoxe, todo o cole festexamos o Magosto.

O alumnado do centro dividiuse nos grupos dos laboratorios e acudiu a psicomotricidade (alumnado de Infantil e 1º e 2º ciclo de primaria) e ao pavillón (alumnado de 3º a 6º de primaria). 

Despois, desfrutamos dunha marabillosa merenda de castañas e, por último, xogamos no patio todos xuntos, compartindo momentos e experiencias.

Clica na imaxe para acceder á galería!

Día das Bibliotecas 2025: Biblioteca-Leolab

Pechamos a semana das Lecturas Terroríficas na biblio visionando o vídeo-resumo da apertura, un curso máis, da nosa Biblioteca-Leolab, conmemorando o Día das Bibliotecas 2025.

Contra a DESINFORMACIÓN: BIBLIOTECAS, SEMPRE!

XVI Lecturas Terroríficas na biblio 2025

 

Celebramos a chegada do Samaín coa XVI Semana das Lecturas Terroríficas na biblio.

Producións propias e alleas que se representarán ao longo da semana no escenario da nosa biblioteca, dinamizando a lingua, animando á lectura e á escritura, conmemorando.

A música, o cine e a literatura como artes a tratar, atendendo ao PDI que nos ocupa.

Recomendamos visitar os blogs de ciclo para coñecer e saber máis sobre cada actuación.

Unha semana de cantos e contos para pasalo... de medo!