Este Nadal desexamos... marabillARTE!

Bo Nadal e Feliz 2025!

Bo Nadal e Feliz 2025 de bibliotecamilladoiro

No día de hoxe, último día lectivo do trimestre, celebramos a chegada do Nadal practicando as 12 badaladas e visualizando as diversas postais remitidas polos grupos-aula a diferentes entidades, tal e como podedes ver premendo nos seguintes enlaces aos blogs de ciclo:

• Educación Infantil

• 1º, 2ºA, 2ºB-3º de primaria

• 4º de primaria

• 5º e 6º de primaria

Pechamos a xornada con teatro, "Maruxiña" de Aurora Artes Escénicas, e entrega das cartas ao Carteiro Real grazas á colaboración da ANPA Ventorrillo e ao Concello de Malpica.

Bo Nadal e Feliz Aninovo 2025 a tod@s!

Educa-tribo aulas: Nadal en familia!

 

Premer na imaxe para acceder á galería de fotos

Ao longo do mes de decembro e grazas á colaboración das familias, as aulas desenvolveron diversos educa-tribo para celebrar a chegada do Nadal... en familia!

Nos diversos blogs de ciclo aparecen os educa-tribo implementados, creatividade en acción: adornos, sobres, postais, pompóns, galletas, minilibros e ata teatro na biblio.

Agradecid@s a todas as familias colaboradoras: educa... a tribo enteira!

Xincanadal 2023

Damos a benvida ao Nadal cunha xincana na que cada grupo internivel tivo que superar diversos retos: circuítos eléctricos, motrices, formación de usuari@s, robótica... para conseguir a letra que completaba o lugar onde tiñan que recoller o seu regalo, unhas bolsas individuais de cotillón para pechar a xornada practicando as 12 badaladas de fin de ano. 

Unha xornada na que os retos navideños nos permitiron gozar do traballo en equipo e a celebración en comunidade. Premendo no seguinte enlace accederedes á galería de fotos da xornada:

                                                        Xincanadal 2023

Bo Nadal e... atención a cada badalada!

Postais de Nadal 2023

A comezos do mes de decembro, a nosa serea lectora, Leo, deixou na biblio varias bolsas de Nadal, unha por aula, con agasallo e carta para animar a crear postais de Nadal porque o Nadal é tempo para comunicar.

Todas as aulas realizaron as súas propias creacións que aquí recollemos e premendo no nome de cada aula accederedes á publicación que realizaron nos diversos blogs de ciclo, nos cales ademais de presentar a súa produción tamén recollen a contestación da comunidade á que remitiron a postal.

Parabéns, unha vez máis, por comunicar tan ben.

Depedímonos ata o vindeiro ano 2024 coa postal de Nadal que Leo deixou en cada aula. Na imaxe a postal de 4º de infantil.

"Caxoto, un paxe en apuros"

Grazas á ANPA Ventorrillo asistimos á función dun paxe moi especial: Caxoto, un paxe en apuros.

Caxoto contou, cantou e ata recolleu as cartas para as Súas Maxestades de Oriente, que esperemos traian todo o pedido.

Agradecid@s á ANPA por agasallarnos unha entretida mañá na compaña dun paxe... en apuros!

Exposición de Nadal 2023

Premer na imaxe para acceder á galería de fotos

Un ano máis, chegan as luces e os agasallos de Nadal: chegan os libros!

Os libros brillan con luz propia para emocionar, para saber, para ler en viñetas... para tod@s!

A nosa humilde homenaxe a O Hematocrítico, falecido o pasado 27 de novembro, que tanta luz nos deixa coa súa obra e parte da cal quixemos destacar na zona colgante da exposición. O noso máis sentido pésame para os seus seres queridos. O Hematocrítico sigue vivo en cada un dos seus libros e só nos queda dicir o que recolleu Ruth Caramés na súa viñeta do diario Nós:

GRAZAS!

A guía de Nadal 2023, que xa está na imprenta e en formato dixital nunha próxima publicación, será entregada o último día lectivo para que poidades pedir os vosos regalos en forma de libro, para iluminar o voso Nadal e... todos os días do ano!

Un decembro de... CÓMIC!

Visita dos Reis Magos

Premer na imaxe para acceder á galería de fotos

Hoxe @s nen@s de E. Infantil, 1º e 2º de E. Primaria recibiron a visita dos Reis Magos na nosa Biblio.

A entrada maxestuosa foi pola colorida porta do noso LeoLab que conecta coa Biblio e tod@s quedaron encantad@s de poder entregarlles as súas cartas.

Asemade, visitaron as aulas de 2º e 3º ciclo de E.P. para saudar ao resto de compañeir@s do cole.

Agradecemos a nosa ANPA Ventorrillo que fixera posible a visita real.

Seguro que tod@s recibirán os agasallos que pediron, ata entón a seguir gozando do Nadal xunt@s!

Galioke 2022

 

Premer na imaxe para acceder á galería de imaxes 

da xornada Galioke 2022

Presentamos o cartel do Galioke 2022 co que pecharemos o 1º trimestre 2022/23 para conmemorar un Nadal... xunt@s!

Xunt@s... cantamos!

Árbores de Nadal... galitecnolóxicas!

Presentamos, en formato audiovisual, as árbores de Nadal que este curso, seguindo o PDI que nos ocupa, contan con adornos galegos e... tecnolóxicos!

Celebramos un Nadal cheo de cores propias e placas Micro:Bit que foron programadas por tod@s, grazas á formación impartida pola mestra Marta.

Un Nadal... á galega!

Exposición de Nadal 2022

Premer na imaxe para acceder á galería de fotos

Presentamos a segunda exposición do 1º trimestre, esta adicada ao Nadal.

Unha exposición que acolle exemplares na nosa lingua para explorar diversos mundos lectores: poesía, banda deseñada, de consulta, narrativa, música...; atendendo a temáticas varias e educación en valores para a vida.

Algúns dos exemplares recóllense na guía de Nadal 2022 que entregaremos a toda a comunidade educativa o último día lectivo do trimestre porque...

AGASALLAR UN LIBRO É AGASALLAR...

O MELLOR AMIGO!

Nadal 2022: un libro cada día!

Festa de Nadal 2021

Rematamos este trimestre cunha gran festa de Nadal na que puidemos desfrutar do chocolate con churros, organizado pola ANPA do CEIP Milladoiro e tamén da música tradicional, grazas a participación dun grupo de mestras e alumnos/as que foron coordinados pola mestra Susana Álvarez Mato. Esta formación creouse para a festa de Nadal pero tras o gran éxito acadado seguirán amenizando as próximas festas case seguro. Damos as grazas a cada un deles polo seu esforzo e traballo:

- Susana Álvarez (gaita).

- María Mascuñana (pandeireta)

- Daniella Cotelo 5º E.P. (pandeireta)

- Bruno Folla 3º E.P. (bombo)

- Antón Barrul 6º A E.P. (tambor)

- Pablo Varela 6º B E.P. (pandeireta)

A continuación tedes un vídeo resumo da xornada e ao final do mesmo algúns dos bailes que realizaron:

BO NADAL E FELIZ 2022!

Toda a comunidade educativa quere agradecervos o voso apoio, a vosa confianza e o voso cariño durante este ano tan complicado, 2021.

Seguiremos traballando o próximo ano para levar ao CEIP Milladoiro á excelencia educativa para todos e cada un dos nosos alumnos e alumnas, e xa soamente nos queda desexarvos un 

BO NADAL E FELIZ 2022!

Lab. Ideas: Nadal Natural!

 

Presentamos o produto final do Laboratorio de Ideas, proposta do equipo creativo, para celebrar un...

 Nadal Natural!

Agradecer a colaboración das familias na creación dos mesmos: creatividade natural, reutilizando.

Felices Festas a tod@s, coidándose!

Nadal no Milladoiro!

Presentamos... Nadal no Milladoiro!

Dous produtos audiovisuais coordinados polo mestre de Música, Alfonso, para festexar o Nadal no Milladoiro.

Felicitamos @s nen@s polo gran traballo realizado, por transmitirnos día a día a súa ilusión e felicidade a pesares de todos os protocolos sanitarios que debemos cumprir.

Felicitar ao mestre Alfonso polo gran traballo de organización, produción e edición para poder vernos tod@s xunt@s nun Nadal no que seguimos sen ter "normalidade", pero que nunca nos falte un sorriso, unha canción que cantar e bailar.

Un fermoso agasallo nun Nadal singular.

VISITA DO CARTEIRO REAL

 Hoxe recibimos unha visita moi especial: O CARTEIRO REAL!!!!!!

Xa que os Reis Magos teñen moito traballo, enviaron ó seu carteiro real a recoller as cartas que con tanta ilusión fixemos. 

Os peques de 4º e 5º EI esperamos con moito nervio na biblioteca, xa que o carteiro e a súa axudante estaban na aula de 1º e 2º de Primaria.

Tras entregarlle as nosas cartas e as dos compis que hoxe non puideron vir á escola, recibimos unhas deliciosas chuches por ser moi bos e boas e por esforzarnos e traballar tanto este trimestre.

FOTOS

FELICES FESTAS A TOD@S!!!!!

Alfabetización informática: coñecendo Micro:bit

 

Rematamos o 1º trimestre traballando a alfabetización informática a través da programación!

Nos últimos días todo o alumnado, grazas á formación impartida pola mestra Marta (coordinadora do equipo tecnolóxico), achegouse a un novo material xa dispoñible no noso Leolab: a placa Micro:bit.

Durante estas sesións formativas, e en función das idades e capacidades do alumnado, coñecemos  a linguaxe de programación a través da plataforma Makecode (moi parecida a Scracht), e configuramos cada placa con luces leds: mensaxes e música navideña para adornar as árbores de Nadal de cada aula.

O programa que empregamos deixámolo no seguinte enlace, por se algunhas das peticións aos Reis Magos é un kit Micro Bit para seguir aprendendo, creando; pois saímos encantados da sesión.

Programa o teu Micro Bit

Nos seguintes enlaces accederedes á galería de fotos das diferentes sesións:

• Formación 4º EI

• Formación 5º EI

• Formación 6º EI / 1º EP

• Formación 2º EP

• Formación 3º EP

• Formación 4º EP

• Formación 5º EP

• Formación 6ºA EP
  

• Formación 6º B EP

Un pasiño máis dentro da biblioteca creativa!

Exposición Nadal 2021

Pechamos o 1º trimestre coa Exposición Nadal 2021: exemplares para contar, para informarse, emocionarse, compartir...

Premendo na imaxe accederedes á galería.

Seguimos crendo que o mellor agasallo é... UN LIBRO!