Presentamos o resumo audiovisual de dous cursos nos que desenvolvemos un Proxecto Documental Integrado moi noso.
O PDI NÓS: patrimonio in-MATERIAL! chega ao seu fin no presente curso, deixando pegada perdurable na nosa pequena comunidade: salvagardamos, respectamos, divulgamos, lemos, escribimos, aprendemos a valorar o noso, a valorarnos.
O vindeiro curso... nova travesía!
Presentamos o resumo audiovisual dun curso no que os laboratorios de aprendizaxe retomaron a súa esencia: grupos interniveis desenvolvendo aprendizaxes... para a vida!
Continuará...
Premer na imaxe para acceder á galería de fotos
No día de onte, 5 de xuño de 2023, conmemorouse o Día do Medio Ambiente e NÓS comezamos a semana coa actividade da proposta trimestral: construíndo na area!
A actividade acolle unha saída á praia para realizar construcións relacionadas con Galicia, atendendo ao PDI que finalizamos este curso.
Construcións moi galegas usando os recursos da praia ou reciclados e que se irán incrementando segundo o tempo atmosférico o permita.
Parabéns, miniarquitect@s!
.jpg)
Premer na imaxe para acceder á galería de fotos
Ao longo do Mes das Letras elaboramos, entre tod@s, dous murais de escritura con arte, escritura creativa, seguindo o lema da Asesoría BEGA para o presente curso: escribir a biblioteca escolar.Prescritura con arte, realizado pol@s cativiñ@s do Milladoiro, recolle grafismos creativos moi primaverais e o mural Escritura con arte, realizado polo alumnado de primaria, naceu para dinamizar a lingua e pór en práctica, entre outros grafismos, a técnica lettering que se desenvolveu nun dos educa-tribo implementados neste último trimestre de curso.
Parabéns a tod@s, escritura e arte a unha!
Fabuloso produto final no noso Mes das Letras: a produción propia "Se me vou", que tan ben presentaron no Festival das Letras Galegas as aulas de 5º e 6º de primaria.
En esta peza audiovisual todos os grupos-clase coordinados por Estefanía, mestra de Música, dan vida á canción.
Parabéns a tod@s pola fantástica produción e a seguir usando a nosa lingua para aprender, para rir, para sentir...
.jpg "CEIP Milladoiro.Malpica")
Premer na imaxe para acceder ao álbum
Ao longo do 3º trimestre a exposición AS NOSAS LETRAS! está adicada ao persoeiro homenaxeado este ano, pola Real Academia Galega, no Día das Letras: Francisco Fernández del Riego
A exposición está composta polos diversos exemplares de nova adquisición e por recursos materiais alleos e propios, entre eles o noso caderno de produción propia Leo anímate a... investigar!, para traballar nas aulas a súa biografía e obras. Recursos alleos que se aloxan nas seguintes páxinas:Asemade expuxemos os carteis que recibimos da Real Academia Galega, como se pode ver na seguinte imaxe.
.jpg "CEIP Milladoiro.Malpica")
Pechamos así, un curso máis, a exposición adicada a escritoras e escritores galeg@s que se fai imprescincible coñecer e valorar:
Chegou... o gran día!
A nosa produción propia anual xa está na imprenta e aquí se presenta en formato dixital.
Unha produción de tod@s, que este curso, en relación co noso PDI e dinamizando a Banda Deseñada, titulamos Galicómic.
Cada aula ideou, creou o seu propio cómic en relación con Galicia: experiencias escolares, historia, aventuras, gastronomía, os seres mitolóxicos e... ata unha heroína! Temáticas diversas as que conforman os 8 cómics que en primicia presentamos e que compartiremos polas aulas ao longo da semana das Letras Galegas (do 15 ao 19 de maio). Asemade, están expostos nos corredores do cole.
Premer na imaxe para acceder ao álbum de fotos
Unha proposta de actividade anual, enmarcada no PDI NÓS, que nos permitiu crear a nosa propia marca:
Só nos queda dicir...
Un curso máis e dentro do noso Mes das Letras, tod@s lemos... na rúa!
Iniciamos o Mes das Letras e celebramos o Día Mundial do Libro e do Dereito de Autor exercendo un dos nosos Dereitos de Lectores/as que se recollen no libro "Como unha novela" de Daniel Pennac, concretamente o Dereito número 7:
Unha marabilla de actividade tanto pola divulgación e dinamización do acto lector, acto de creación, como pola altísima carga emocional que transmite cada unha das imaxes que aloxa o álbum de fotos. Álbum que se irá incrementando conforme o tempo atmosférico o permita.
.jpg "CEIP Milladoiro. Malpica")
Presentamos a exposición trimestral que pecha o curso 2022-23 e o PDI NÓS: patrimonio in-MATERIAL!
Libros para gozar do poder da palabra, do marabilloso mundo dos libros, das bibliotecas, da escritura e a lectura, e tamén para informarse e formarse valorando a nosa lingua, o noso medio, as nosas Letras...
Presentamos a proposta de actividades para o último trimestre do presente curso 2022/23.
Un curso co que finalizamos o PDI NÓS: patrimonio in-MATERIAL!. Un PDI que desenvolvemos para valorar e salvagardar o noso e entre as actividades pechamos o curso cunha edición máis da nosa revista escolar DígochoEU e o Festival das Letras para celebrar a nosa cultura.
Un trimestre para valorar a nosa lingua, a nosa escrita, a familia, o medio... Un trimestre para seguir VALORANDO... NÓS.
A poucos días de pechar o 2º trimestre presentamos un novo mural. Os premios traen cousas boas a nosa pequena escola, pública e rural. Investimos o orzamento do premio do VIII Concurso de Traballos por Proxectos ademais de en cultura audiovisual, asistindo ao cine en Nadal, en cultura artística.
Desde o pasado curso temos como obxectivo eliminar o feísmo das paredes grises do cole, por iso encargamos a Rakele Cavallo un mural que, en relación co noso PDI, titulamos "Galicia".
Un fermoso traballo o de Rakele e o do alumnado de 2º de Primaria que a consideraron galega imprescindible en relación co 8M, realizándolle unha entrevista en Radio Balea.
.jpg "CEIP Milladoiro.Malpica")
A exposición xunto cos cadernos Leo anímate a... investigar! e os recursos en liña foron o punto de partida para aventurarse no saber máis e... no ler máis: ler a Rosalía e a Eva é unha viaxe emocional marabillosa.
O alumnado de 6ºEP nas sesións de Aprender a investigar foi o encargado de recuperar a bibliografía de Eva Mejuto dispoñible na nosa biblio e organizar a exposición.
Pecharemos o presente curso coa exposición adicada a Francisco Fernández del Riego, elección da RAG para conmemorar o Día das Letras Galegas e do cal podemos saber máis accedendo á web da RAG adicada ao autor: Primavera da Letras.
Que medre o noso coñecemento arredor de escritoras e escritores galegas e galegos que é imprescindible ler e valorar.
Ao longo da semana e na Hora de Ler presentamos na biblioteca, en relación co 8M, a Semana da Muller 2023. Unha semana adicada a diversas Mulleres Galegas que cada aula elexiu como imprescindibles.
Os seguintes enlaces de cada grupo-clase redirixen ás biografías das galegas imprescindibles para... NÓS:
Nais, escritoras, artistas, historiadoras, académicas, pintoras, mestras... TODAS IMPRESCINDIBLES! Por unha igualdade de xénero real que poidamos celebrar todos os días.
No día de hoxe, o alumnado de 6º de Infantil, 5º e 6º de Primaria mantiveron un encontro con Ana Romero Masiá, historiadora e nomeada membro correspondente da Real Academia Galega no ano 2022. Ana, nos veráns da década dos anos oitenta e como membro do Instituto de Estudos Galegos de Santiago, fíxose cargo dos traballos de posta en valor do castro de Borneiro, un dos xacementos arqueolóxicos castrexos máis interesantes da zona.
Agradecemos a Ana Romero a súa amabilidade e bo facer. Encontro do que tod@s saíron sabendo un pouco máis dos castros galegos, grazas a unha Muller Galega: Ana Romero Masía.
.jpg "CEIP Milladoiro.Malpica")
Presentamos a exposición SENDO... NÓS, a cal nos acompañou ao longo do 2º trimestre para dar tratamento a diversidade de valores e seguir nutrindo o PDI que nos ocupa.
Exemplares encamiñados a xerar asembleas, mesas redondas... arredor da lectura compartida, construíndo pensamento crítico e actitude activa: sendo... NÓS!
.jpg "CEIP Milladoiro. Malpica de Bergantiños")
Conmemoramos o Día de Rosalía de Castro cun libro e unha flor... pulseira!
Asemade, unímonos á proposta da Asociación de Escritores e Escritoras en Lingua Galega (AELG) e seguindo o manifesto escrito por Carme Adán escribimos palabras, e palabras e palabras! Palabras que eleximos da lectura de diversos poemas de Rosalía e que logo pegamos dentro da súa silueta.
Rosalía de Castro, que a forza das túas palabras impulse as nosas propias para seguir mellorando o presente, un futuro que siga sendo noso, da nosa terra, para seguir tendo voz propia hoxe e sempre: NÓS.
Presentamos o vídeo resumo da nosa celebración de Entroido que este curso, seguindo o PDI NÓS, tivo como lema "Galihistoria". Un percorrido pola historia de Galicia: etapas históricas, cultura, gastronomía, catástrofe ecolóxica e mitoloxía foron as elexidas para conmemorar un Entroido moi galego.
Premer no seguinte enlace para acceder á galería de fotos da xornada:
Feliz Entroido 2023!
Seguindo a proposta de actividades do 2º trimestre, conmemoramos o Día Mundial da Radio gravando en Radio Balea o noso conto de produción propia, o cal ideamos entre todas e todos, ao longo do 1º trimestre, coa máquina de escribir como protagonista e dentro da actividade NÓS... tamén escribimos!
Asemade, participamos na convocatoria feita por Ponte... nas Ondas! baixo o lema Radio e Paz, proposto pola UNESCO, co podcast creado polo alumnado de 5º e 6º de EP: Rap pola Paz e que podedes escoitar a continuación.
Felicitar a todas e todos polo gran traballo desenvolto, uns podcasts contado e cantado para celebrar.
Feliz Día da Radio, hoxe e todos os días do ano.
