Día das Escritoras 2025

Premer na imaxe para acceder ao álbum de fotos

 Literatura. A arte da palabra... escrita! ELAS, ESCRIBEN! é o título do mural que preside o corredor do 1º andar para pór en práctica a formación de usuari@s, conmemorando o Día das Escritoras 2025.

O mural, atendendo ao PDI que nos ocupa, destaca a arte de 6 escritoras que é imprescindible coñecer. Ao tempo, achegamos caderno-informe para dar tratamento a diferentes contidos da formación de usuari@s: sinaturas, datos identificativos dos libros, catálogo da nosa biblio...

Premer para acceder ao caderno-informe

Ao longo do mes de outubro, todas as aulas teñen a súa disposición este valioso recurso, valorando a arte da literatura escrita por... ELAS!

Quen se une ao reto? 

Leo quere... MARABILLARTE!

Axúdame a cantar

No día de hoxe, o alumnado de 5º e 6º de primaria asistiu e participou na actuación de Felisa e Montse, Axúdame a cantar, que se realizou no Centro Cívico e Cultural e dentro do programa "Nun Mar de Letras" do Concello de Malpica.

Finalizaron con agasallos en forma de libro para todas/os, Agora que vén a noite de Marcos Calveiro. Un exemplar que tamén catalogaremos na nosa biblio.

Agradecid@s ao Concello por facilitarnos actividades culturais, festexando... AS NOSAS LETRAS!

Educa-tribo aulas: Nadal en familia!

 

Premer na imaxe para acceder á galería de fotos

Ao longo do mes de decembro e grazas á colaboración das familias, as aulas desenvolveron diversos educa-tribo para celebrar a chegada do Nadal... en familia!

Nos diversos blogs de ciclo aparecen os educa-tribo implementados, creatividade en acción: adornos, sobres, postais, pompóns, galletas, minilibros e ata teatro na biblio.

Agradecid@s a todas as familias colaboradoras: educa... a tribo enteira!

ELAS ESCRIBEN... TEATRO EN GALEGO!

Premer na imaxe para acceder á galería de fotos

Presentamos o mural que preside o corredor do 1º andar para desenvolver a Formación de Usuari@s e conmemorar o Día das Escritoras e o Día das Bibliotecas.

Un mural adicado ás Escritoras de Teatro en Galego, en relación coa temática elexida pola Asesoría BEGA para o presente curso: "Biblioteca escolar, a escena!".

Elas escriben... teatro en galego!_2024-25

Leer más publicaciones en Calaméo

Os grupos-aula deben ir superando os biblio-retos que se recollen no caderno-informe que facilitamos e buscar na exposición central o exemplar correspondente a cada escritora, tendo en conta a sinatura que a acompaña, para colocar a cuberta do libro no sitio correspondente ata completar o mural.

Premer na imaxe para acceder á galería de fotos

Un tempo para pór en valor ás escritoras de Teatro en Galego e ser competentes no uso da nosa biblio.

Entroido... saudable!

Un Entroido de contacto coa natureza e hábitos saudables, un entroido de... saúde e benestar!

Premendo nos seguintes enlaces accederedes ao álbum de fotos e ao desfile final:

• Álbum de fotos da xornada

• Desfile final: entroido saudable

Parabéns a tod@s, un entroido moi, moi san!

Xornada "Boas Prácticas" no CEIP Milladoiro

BE-LeoLab Milladoiro de Fátima Romero Olveira

 Achegamos a presentación que desenvolvemos o pasado luns 15 de xaneiro, en horario de tarde, na "Xornada de Boas Prácticas" promovida polo CFR (Centro de Formación e Recursos) de A Coruña, desde o seu centro comarcal de Vimianzo, no noso centro.

Unha tarde entre compañeir@s para seguir formándonos e mellorando a educación que se oferta nas nosas escolas, rurais e galegas. De 20 centros convidados asistiron máis de 30 compañeir@s que ocupan cargos directivos e/ou coordinan o programa "Polos Creativos", centros cercanos e lonxanos, polo que agradecemos o súa asistencia, fóra de horario lectivo, para compartir experiencias docentes.

Ao tempo, agradecemos ao CFR a organización da xornada e o seu interese por divulgar o que somos e facemos na nosa "escola bibliotecaria": unha biblioteca creativa, inclusiva, aberta e ubicua ao servizo do currículo e da comunidade.

Ademais da difusión na nosa bitácora, tamén foi recollido por La Voz de Galicia na sección comarcal. Premendo no seguinte enlace accederedes á nova:

• "Un modelo para aprender a enseñar" (nova de La Voz de Galicia, sección Carballo do 16-01-2024)

Seguimos crendo que outras realidades educativas son posibles, non só dotando aos centros con recursos creativos, se non cambiando a visión e contando coas imprescindibles bibliotecas escolares como espazos creativos e de aprendizaxe, como motores de innovación, en todos os centros; transitando a metodoloxías activas nas que @s nen@s sexan protagonistas das súas aprendizaxes. Situacións de aprendizaxe para tod@s, que nos permiten seguir investigando, experimentando, construíndonos, emocionándonos, curso tras curso, aprendendo dos nosos erros e apoiándonos nas nosas fortalezas: 

                     aprendizaxes... de vida e para a vida!

Se a nosa experiencia educativa é válida para que outras comunidades inicien a trans-formación (transdisciplinariedade, transversalidade, formación de calidade e continua) cara unha educación de calidade, inclusiva e equitativa, pagou a pena, xa que cremos que compartir, enriquécenos.

Xincanadal 2023

Damos a benvida ao Nadal cunha xincana na que cada grupo internivel tivo que superar diversos retos: circuítos eléctricos, motrices, formación de usuari@s, robótica... para conseguir a letra que completaba o lugar onde tiñan que recoller o seu regalo, unhas bolsas individuais de cotillón para pechar a xornada practicando as 12 badaladas de fin de ano. 

Unha xornada na que os retos navideños nos permitiron gozar do traballo en equipo e a celebración en comunidade. Premendo no seguinte enlace accederedes á galería de fotos da xornada:

                                                        Xincanadal 2023

Bo Nadal e... atención a cada badalada!

"Caxoto, un paxe en apuros"

Grazas á ANPA Ventorrillo asistimos á función dun paxe moi especial: Caxoto, un paxe en apuros.

Caxoto contou, cantou e ata recolleu as cartas para as Súas Maxestades de Oriente, que esperemos traian todo o pedido.

Agradecid@s á ANPA por agasallarnos unha entretida mañá na compaña dun paxe... en apuros!

Magosto 2023: entre castañas... anda o xogo!

Premer na imaxe para acceder á galería de fotos da xornada

Un curso máis, a castaña foi protagonista dos xogos tradicionais que realizamos co gallo do noso Magosto 2023.

Unha xornada lúdica e gastronómica, pois finalizamos o día degustando as ricas castañas asadas.

Benvido... outono!

Concerto de... Xoán Curiel!

Pechamos a semana, na que iniciamos a XIV Lecturas Terroríficas, co concerto de Xoán Curiel.

Un concerto que tod@s gozamos: bailamos, cantamos e tamén nos asustamos. Pasámolo... de medo!

O concerto finalizou e Xoán Curiel regalounos o seu último libro-cd, en colaboración con Charo Pita, "Estamos no verán" e con dedicatoria incluída; tamén nos regalou parte do seu tempo para asinar outros exemplares da nosa biblio como podedes ver na seguinte imaxe (premendo nela accederedes ao álbum de fotos do concerto)

Agradecid@s a Xoán Curiel e o seu gran labor cultural e de dinamización da lingua.

ELAS ILUSTRAN... escriben historias!

Premer na imaxe para acceder á galería de fotos

Presentamos o mural que preside o corredor do 1º andar, ao lado da biblioteca, para implementar, ao longo do mes de outubro, a nosa formación de usuari@s; conmemorando o Día das Escritoras (16 de outubro) e o Día das Bibliotecas (24 de outubro)

Un mes que dedicamos a mulleres ilustradoras e galegas, mulleres que escriben historias con cada unha das súas ilustracións e ás que queremos valorar como parte imprescindible non só da banda deseñada/cómic (temática elexida pola Asesoría BEGA), tamén da narración, da poesía, dos libros de información... que atesouramos na nosa biblio.

ELAS ILUSTRAN... escriben historias!

Leer más publicaciones en Calaméo

Un mes para refrescar contidos: organización da biblio, identidade dos libros, sinaturas, recuperación de exemplares... e que enlazamos coa escritura creativa en forma de globos de diálogo/pensamento.

A seguir formándonos, preguntándonos, valorando ás escritoras de puño e letra e... ás escritoras de lapis e cores!

Abellas na escola

Premer na imaxe para acceder á galería de fotos

As abellas chegaron... á biblio!

Nico presentou o programa "Abellas na escola" a todos os niveis educativos ao longo de dúas xornadas escolares. Un programa que nos permitiu achegarnos ao mundo das abellas: morfoloxía, tipos, polinización, beneficios que aporta o consumo de mel, de própole a nosa saúde... Probamos o mel e ata fabricamos candeas coa cera e co pabío.

Unha experiencia de vida para valorar a importancia de coidar e respectar a natureza, tal e como ela nos coida grazas ás traballadoras abellas.

III Feira LeoLab

No día de onte, celebramos a III Feira LeoLab retomando a ensencia dos seus inicios: todo o alumnado do cole dividido en grupos interniveis realizaron, nos diferentes espazos do centro, actividades STEAM (ciencia, tecnoloxía, enxeñaría, arte e matemáticas) relacionadas coa temática do noso PDI, Galicia.

Podedes ver todas as imaxes premendo no seguinte enlace: FEIRA LEOLAB.

Estas foron as actividades que realizaron:

Intelixencia Artificial (IA): a nosa serea lectora, Leo, deixou unha caixa para ordear e ilustrar o noso conto de produción propia "O maior tesouro"  usando unha aplicación de IA e pechar a actividade reflexionando sobre o uso da mesma, partindo das preguntas que nos deixou Leo.

Lectura de códigos QR: realizar o camiño de Santiago mediante a lectura de códigos QR para atopar a dirección correcta que nos indica como chegar á catedral.

Aturuxo por pistas: esta actividade consitiu en grabar cada grupo a súa propia canción usando un Looper que lles permitía grabar moitos instrumentos de maneira secuenciada e improvisar por enriba.

Animation maker: a partir dun debuxo feito por eles, sacábanlle unha foto e coa aplicación marcaban os puntos de articulación para darlles movemento.

Electrónica con plastilina conductiva: crearon un circuíto sobre unha plantilla de faros marítimos con plastilina conductiva que iluminaba a luz do faro cun led.

Chaveiros forneados: con papel retráctil, nenos e nenas facían un debuxo que se encollía no forno da aula de cociña e remataban en forma de chaveiro para levalo para a súa casa. 

Enxeñaría manipulativa: construcións con pauíños como aristas e plastilina como vértices.

Foguete espacial: cunha botella de refresco fixeron un foguete espacial e para que voara enchéronno de auga e aire a presión (Lei de Newton).

Ondas saltarinas: forrando un altofalante con plástico e botando arroz enriba, as ondas sonoras fan que os grans salten.

Investigando: búsqueda, selección, organización e comunicación da información en relación con animais de Galicia e usando a aplicación "ChatterPix Kids" para darlles vida.

Efecto dominó: o alumnado formou un efecto dominó seguindo a silueta de diferentes monumentos de Galicia.

Stopmotion: gravación dunha curta de animación coa técnica de stopmotion relatando o percorrido do Camiño de Santiago de Muxía e Fisterra.

SuperDoc: o alumnado tiña que elexir un itinerario por Galicia e programar ao robot para que realizara dito camiño cunha soa orde.

Tinta invisible: colorearon con tinta invisible os monumentos máis representativos de Galicia para logo situalos no mapa.

Xogando co magnetismo: os imáns foron protagonisas desta actividade na experimentaron co magnetismo.

Un dos experimentos que máis éxito tivo foi o foguete, polo que vos deixamos un pequeno vídeo:

Lectura na rúa!

Premer na imaxe para acceder á galería de fotos

Un curso máis e dentro do noso Mes das Letras, tod@s lemos... na rúa!

Iniciamos o Mes das Letras e celebramos o Día Mundial do Libro e do Dereito de Autor exercendo un dos nosos Dereitos de Lectores/as que se recollen no libro "Como unha novela" de Daniel Pennac, concretamente o Dereito número 7:

"Dereito a ler en calquera sitio"

Unha marabilla de actividade tanto pola divulgación e dinamización do acto lector, acto de creación, como pola altísima carga emocional que transmite cada unha das imaxes que aloxa o álbum de fotos. Álbum que se irá incrementando conforme o tempo atmosférico o permita.

Radio Voz Escolar - Radio na Biblio: Radio Balea

Premer na imaxe para acceder á galería de fotos

A comezos do mes de novembro recibimos un correo da Asesoría BEGA comunicándonos que o noso colexio fora proposto pola Consellería de Educación para o programa Radio Voz Escolar: proxecto de Radio Voz en colaboración coa Consellería de Educación.

A nosa escola, como centro LIA.2, promove mediante os diversos laboratorios de aprendizaxe que nos son propios o coñecemento e uso responsable da información en múltiples formatos. Laboratorios que son implementados nos diversos espazos creativos que conforman a nosa BE-LeoLab, así é o caso do Laboratorio de Son que se desenvolve na nosa Radio na Biblio: Radio Balea.

No día de hoxe recibimos no cole a Antía (xornalista de Radio Voz) e Sonia (xefa técnica). Antía deu unha breve charla ao alumnado de 5º de E. Primaria, no presente curso biblioaxudantes de Radio na Biblio, para logo gravar no estudio de Radio Balea o programa MillaInforma, que se pode escoitar premendo no seguinte enlace:

Radio Voz: Radio na Biblio

Ademais da parte teórica e técnica da radio tamén conectaron en directo con Radio Voz Bergantiños, saudando a Fran o seu locutor, como se pode ver no seguinte vídeo.

Unha nova experiencia de vida, un agasallo de Nadal adiantado, que seguro @s nen@s non olvidarán; así como os bos consellos para a mellora na emisión de podcasts que lles deixaron Antía e Sonia, as cales agradecemos a súa amabilidade e bo facer.

A informarse... escoitando o podcast final!Seguiremos informando desde Radio Balea, a radio nas ondas!