Encontro con Ana Romero Masiá

No día de hoxe, o alumnado de 6º de Infantil, 5º e 6º de Primaria mantiveron un encontro con Ana Romero Masiá, historiadora e nomeada membro correspondente da Real Academia Galega no ano 2022. Ana, nos veráns da década dos anos oitenta e como membro do Instituto de Estudos Galegos de Santiago, fíxose cargo dos traballos de posta en valor do castro de Borneiro, un dos xacementos arqueolóxicos castrexos máis interesantes da zona.

Co gallo da Semana da Muller 2023 e en relación co seu proxecto sobre os castrex@s, a aula de 6º de Infantil elexiu a Ana Romero como galega imprescindible para coñecela en persoa e entrevistala en Radio Balea. Entrevista e biografía que presentarán esta semana na nosa biblio ao resto de compañeir@s.

Agradecemos a Ana Romero a súa amabilidade e bo facer. Encontro do que tod@s saíron sabendo un pouco máis dos castros galegos, grazas a unha Muller Galega: Ana Romero Masía.

Premer na imaxe para acceder á galería de fotos