20.10.21

Obradoiros de igualdade: Cambiando o conto

Obradoiro Cambiando o conto_5º E. Infantil

FOTOS  E.I.

Esta semana da man da Asociación Visibles, que xa nos acompañou en pasados cursos escolares para ir cambiando o contoo alumnado de 5º de Educación Infantil e 5º e 6º de Educación Primaria realizaron obradoiros para tratar a igualdade e a análise crítica dos estereotipos de xénero partindo de contos tradicionais.

En 5º de Educación Infantil traballaron o conto de Ceniciento, onde este príncipe non quería ser tal cousa e o seu soño era ser veterinario. Despois de escoitar o conto animado pola música da ocarina, e analizar o que lle pasou coas labores domésticas, cada un imaxinou como sería Ceniciento e plasmouno nun debuxo. 

O alumnado de 5º e 6º E.P. traballou e realizou unha análise crítica sobre  os estereotipos de xénero da nosa sociedade, e reelaboraron contos tradicionais propoñendo finais e desenlaces alternativos.

Obradoiro Cambiando o conto_6ºA E. Primaria

FOTOS 5º E 6º EP

Agradecemos a Nuria e a Olalla o seu bo facer e destacar o vídeo que esta Asociación publicou polo Día Internacional das Mulleres Rurais (15 de outubro), no cal aparecen mulleres do noso Concello, da nosa comunidade educativa. Parabéns a todas elas e a Asociación polo fantástico produto final visibilizando as mulleres do rural.

Seguimos querendo cambiar o conto!

Ningún comentario: