E colorín, colorado...

Festival Fin de curso1 from bemilladoiro on Vimeo.
Imaxes do noso fetival de fin de curso que preparamos especialmente para as familias. Unha proba m-ais, se fixera falta, do moito que disfrutamos estando xuntos. E colorín, colorado... para os nenos e nenas este curso está rematado!

 Felices vacacións!

Festa de convivencia municipal

Festa Convivencia from bemilladoiro on Vimeo.

Como cada ano o Concello organizounos a Festa de Convivencia na que nos reunimos cos profes e escolares de Infantil e Primaria de todo o Concello. Este ano tocou en Buño. Como o pasamos? Mirade as imaxes e teredes a resposta.

Festival Fin de curso 2014

festival fin de curso from bemilladoiro on Vimeo.

Teño que pedirvos disculpas por non pubicar antes este video. O verán pasou moi rápido e... O que importa é que xa está aquí. Espero que vos guste lembrar aquela xornada tan, tan bonita. Se queredes descargar algunha imaxe, este é o enlace ao álbum

Videos do Festival fin de curso

Xa están dispoñibles tódolos videos do festival de fin de curso. Un por cada actuación. De momento, deixovos este, dos nenos e nenas de 1º, e o enlace á nosa canle de Youtube. PINCHANDO AQUÍ poderás velos todos.

Festa municipal de convivencia

Festa escolar de Convivencia 2012 from bemilladoiro on Vimeo.

Este foi o final: unha festa de convivencia organizada polo Concello e as AMPAS na que nos reunimos escolares e profes do CRA, do cole de Buño e nós. Rematamos este curso xogando e divertíndonos. E agora.... ¡a descansar! P.D.- Este video tamén o tendes na nosa canle de Youtube. As fotos AQUÍ

Festival fin de curso

O pasado xoves celebramos o festival de fin de curso. Esa imaxe que estades vendo é o fantástico fondo de escenario que nos agasallou a AMPA. Debido a ausencia de megafonía no Centro Cívico non nos é posible facer outras actuacións que non sexan bailes. E así fixemos: de Infantil a 6º todos puxemos o noso amior empeño en presentar unha actuacion agradable, divertida e ben feita. E ....¡obxectivo acadado! Mirade, senón, tódalas fotos e veredes alegría, precisión, empeño, esforzo... O profesorado coidou dos nenos e nenas e das actuacións, mentres que pais e nasi da Directiva da AMPA coidaban do orden coas familias asistentes. E todo saiu perfecto!

Festa final: lendo para vos

Hoxe foi a nosa festa: a festa da biblio. Tódolos anos esperamos esta ocasión para agradecer aos nosos nenos e nenas tanto traballo, tanta lectura, tanta atención... E este ano decidimos LER PARA ELES. O certo é que foi moi emocionante: por ler para os rapaces, por ler nós xuntos, por preparar a lectura...todo iso que durante o ano os nenos e nenas fan gustosamente para compañeiros e profesores, hoxe fixémolo nós. E foi moi bonito. Escollimos o libro de Ana Mª Fernández A CASA DE HABÍA UNHA VEZ (Xerais, 2001) que nos pareceu o máis acaído para rematar este curso no que tentos contos aprendimos e ¡escribimos! Tamén entregamos os premios aos máis leóns de 2º e 3º cdiclos que resultaron ser Nico (de 6º) e Clara (de 4º) Abrimos un paquete que nos deixou Leo e, para rematar, todos recibimos caramelos e marcapáxinas. Xa só queda, escoller os libros que leremos nas vacacións e seguir disfrutando da lectura e dos contos compartidos.

Grazas a todos e todas

Os responsables de todo

De Collages

Aquí tendes ós responsables desa festa tan chula: a Presidenta da nosa AMPA, a Concelleira de Cultura, o Director do Milladoiro, o Alcalde, a Directora do CRA e o Técnico de Cultura.
A todos e todas:

GRAZAS

Festa de Fin de curso

Hoxe tivemos a festa de despedida do curso. O Concello de Malpica e a AMPA puxeron á nosa disposición uns xogos hinchables moi divertidos e unha excelente merenda. Tamén nos acompañaron os compañeiros e compañeiras do CRA que compartiron con nós o teatro de guiñol que tiñan previto.
Recibimos a visita do alcalde e de dous dos seus concelleiros, así como do Técnico Municipal de Cultura.
Foi unha festa divertida na que, ademáis, acompañounos o tempo e non choveu.
Algo de tristeza polos nenos e nenas que deixan o cole para sempre, algo tamén polos amigos ós que non veremos ata o curso que ven, polos profes que marchan... pero moita alegría polo traballo ben feito, polo descanso que se aveciña e polo moi cheos que se presentan os días de verán.
A todos e todas: GRAZAS!!!

Fin de curso

Hoxe celebramos o final do curso. Con baile. Porque o baile é liberdade, alegría, acordo entre varios...o baile é felicidade e concordia.
E así foi.
Verónica, a profesora de Música foi a verdadeira artífice desto pois foi ela a encargada de escoller músicas, preparar coreografías...Por todo elo, felicitámola.
Mención especial merece a canción interpretada polos nenos e nenas de 1º Olelé-Molibá-Makasí, canción congoleña cantada en lingua lingala e que aprendemos no libro Canciones infantiles y nanás del baobá que tendes na biblioteca escolar para cando queirades seguir escoitandoa ou aprendendo outras tan bonitas coma ela. A verdade é que este ano, desde o Festival da Paz, foi o himno do cole porque a cantabamos por tódolos recunchos.
Ademáis, entregáronse as orlas a cantos rematachedes unha etapa escolar: EI de 5 anos e 6º de EP.
Uns marchades a outros centros e outros seguides con nós.
Tamén despedimos a algúns profes que o curso que ven xa non estarán aquí: uns porque terán o seu primeiro destino definitivo e outros porque decidiron concursar e solicitaron outros destinos.
A todos e todas: SORTE!!!
O álbum completo podedes velo e descargalo AQUÏ

Festa Fin de Curso

Hoxe puxemos o remate a este curso que foi moi, moi intenso.
Organizamos a festa habitual na que entregamos os diplomas e uns agasallos ós nenos e nenas que nos axudaron no traballo durante todo o curso.
Non nos cansaremos nunca de agradecer ese traballo que, anque a vos non volo pareza é moi importante: levades o préstamo e as devolucións, organizades os Hoxe le..., ordenades os andeis, axudades ós pequenos, axudades nos traballos de preparación dos materiais para incorporalos á colección... Non seguirei. Só, e unha vez máis:

GRAZAS!!!

Tamén entregamos eses premios que esperades sempre con tanta intriga: os dos Máis leóns. Damos un a quen máis libros levou da BE de entre os escolares do 3º ciclo e outro para os do 2º. Este curso, e como novidade, a profesora de EI de 5 anos pediunos poder participar na festa entregando un agasallo a quen máis libros levou para ler coa familia da súa aula (eso das bolsiñas dou moito xogo!) e tamén se lle entregou. Resultado:

Nico, de 5º

Paula, de 3º

Noemí, de EI 5 anos.

PARABENS A TODOS!!!

O acto abrírono Pablo Parga, Samuel e Aday, alumnos de 6ºB, que leron O gato con botas, coa técnica do kamishibai. Ensaiaron moito moito e, como non podía ser doutro xeito, saíulles MALLADO!

E... ata o curso que ven. Que volveremos comezar. Algúns xa non estaredes aquí pero outros seguiremos a facer o noso traballo o mellor que sabemos sempre na onda de namorarvos dos libros e a lectura.

FELICAS VACACIÓNS... LENDO!!!

Ah! Que queredes saber os Premios! Vale.

Para os LEÓNS: cadanseu libro, unha mochila das Bibliotecas Escolares de Galicia e un Diploma acreditativo.

Para os/as colaboradores: unha libreta das Bibliotecas Escolares de Galicia, un boli multicor, un portaminas e un Diploma acreditativo.

Para todos/as. unha chapa da Hora de Ler das Bibliotecas Escolares de Galicia.

Programa FIN de Curso

O vindeiro martes PECHAMOS.

Preparamos unha serie de actos cos que esperamos despedir como se merece este curso tan cargado de experiencias apaixoantes.

Entre outra scousas teremos a entrega de diplomas ós que fúchedes colaboradores da biblio. Tamén a aqueles que leváchedes máis documentos en préstamo e que nós, familiarmente chamamos Os Máis Leóns.

Proxectaremos as montaxes que fixemos coas lendas que nos contaron os avós, e están convidados. Visitaremos a expo das buxainas... haberá tamén entrega de orlas, xogos, bocadillos...

Enfin, esperamos que o pasedes tan ben como cariño puxemos en preparalo todo.

Consultade o programa exacto AQUÍ

E feliz descanso para todos e todas.