Actuación Salitre no pupitre

O último día tivemos un peche de curso espectacular, contamos coa actuación do grupo "Salitre no pupitre" que pertence a Asociación cultural Salitre de Malpica. Entre os seus integrantes están algún dos/as nosos/as alumnos/as que nos deslumbraron co seu talento, eles son:

- Bruno Folla Pardo (2º E.P.)

- Carmela Velasco Cures (5º E.P.)

- Icía Velasco Cures (5º E.P.)

- Sabina Mimbrera Garrido (6º E.P.)

- Ángela María López Trigo (6º E.P.)

Agradecer o esforzo a todo o grupo, xa que realizaron dous pases no Centro Cívico para abarcar un maior número de espectadores e, especialmente, a Ramón, Merce e Ceci. 

Todas as fotos as podedes ver premendo no seguinte enlace: actuación Salitre no pupitre.

Graduación promoción 2012-2021

 

O pasado martes 22 graduamos a promoción 2012-2021, un alumnado que se despide do CEIP Milladoiro con matrícula de honra, aínda que non é unha despedida porque saben que esta sempre será a súa casa. Unha xornada que estivo chea de emocións e que aquí vos deixamos o vídeo resumo do paso desta xeración polo noso centro. Podedes ver todas as fotos deste acto premendo no seguinte enlace: graduación.

Graduación sexto EP CEIP Milladoiro.mp4 from bemilladoiro on Vimeo.

Peche PDI Visión 3C_2019/21

Presentamos o broche final, en formato audiovisual, do PDI Visión 3C: Comunicación, Ciencia e Creatividade.

Un Proxecto Documental rico en experiencias creativas a través do cal asentamos o novo concepto BE-LeoLab e o cal foi posible desenvolver grazas á implicación, ao esforzo e á ilusión de toda a comunidade educativa, de TOD@S: quenes estamos e quenes xa non están entre nós.

O vindeiro curso iniciaremos a andaina dun novo Proxecto, do cal xa estamos a reunir os ingredientes necesarios para cociñar, ao calor das emocións, os vindeiros cursos escolares 2021/22 e 2022/23.

Feliz e saudable verán, a renovar forzas!

Revista 2021

Revista DígochoEu 2021_CEIP Milladoiro

Leer más publicaciones en Calaméo

Feira LeoLab para tod@s!

Este curso de pandemia a implementación dos laboratorios de aprendizaxe sufriu reorganizacións e readaptacións; mais o novo concepto BE-LeoLab non se estancou, se non que demos continuidade ao uso dos seus recursos e espazos creativos.

Para pechar este singular curso acordamos substituir a nosa Feira de Ciencia e Tecnoloxía por unha Feira LeoLab na que durante tres días todo o alumnado participou nos laboratorios desenvoltos nos diferentes espazos.

Dende o mércores 16 ata o venres 18 de xuño, todas as aulas de Primaria, agás 5º EP que xa ten desdobre, dividíronse en subgrupos e organizamos os recursos materiais, espaciais e persoais para que cada grupo pasara polos diferentes laboratorios, e se achegaran á diversidade de recursos documentais, audiovisuais e tecnolóxicos dos que dispoñemos na nosa BE-LeoLab.

Premendo nos seguintes enlaces poderedes visualizar o álbum de imaxes de cada laboratorio:

Laboratorio Documental

Laboratorio Robótico

Laboratorio de realidade aumentada

Laboratorio de cociña 

Laboratorio de Son

Laboratorio makey makey

Laboratorio de construcións

Laboratorio audiovisual (chroma)

Laboratorio scape room

Laboratorio 3D

En E. Infantil, tamén realizamos desdobres e desfrutaron de 4 laboratorios:

Laboratorio robótico

Laboratorio científico

Laboratorio de luz

Laboratorio creativo

Por unha educación de calidade para tod@s!

Música pola IGUALDADE!

O alumnado do CEIP Milladoiro de Malpica, coa mestra Águeda como coordinadora da actividade desenvolta na área Educación Musical, presentan en formato audiovisual un fermoso produto final a prol da igualdade: Depende de los 2. Esta actividade xurdiu a partires do proxecto desenvolto nos centros de Huesca: CRA Alto Gállego e CEIP Puente Sardas, e que actualmente está coordinado dende a Asociación Proyectos Artísticos del Pirineo.

Parabéns por dar visibilidade, a través da Música, a TOD@S: somos iguais en dereitos e deberes, non é feminino nin masculino, é tarefa dos dous sempre na busca do respecto mutuo e a igualdade real.

Concerto de Paco Nogueiras

Quedan poucos días para rematar un curso complicado, así que hoxe desfrutamos da actuación de Paco Nogueiras co seu álbum Extra!, que soa cada día na hora do recreo.

Toda a comunidade precisabamos desfrutar xuntos/as, así que mantendo espazos separados no patio exterior,  pasamos un momento fantástico e emocionante, sobre todo coa canción "Superheroe, superheroína", canción coa que festexamos o Entroido e que representa o sentir de toda a comunidade educativa.

Premendo na imaxe accederedes ao álbum de fotos da festiva xornada.

Moitas grazas Paco, as túas visitas son sempre moi ben recibidas!!!!

Kalandraka TV_Experiencias lectoras: CEIP Milladoiro

E chegou o agasallo final, en formato audiovisual, da Editorial Galega Kalandraka.

O pasado mes de abril recibimos, encantad@s,  a visita do equipo de Kalandraka que nos fixeron entrega de agasallos lectores a tod@s e gravaron o noso proxecto de colexio, de Biblioteca.

Despois do traballo de edición, o resultado final publicáronno hoxe na súa páxina web á que podedes acceder premendo na imaxe.

Agradecer a Ricardo, Bea e Sagüillo como representantes da visita a súa amabilidade e bo facer.

Un agasallo, na recta final dun difícil curso escolar, EXTRAordinario!

Seguiremos creando experiencias lectoras, experiencias de vida xunt@s!

Este verán...PASA PÁXINA!

Guía de Lecturas de verán 2021_BE-DL

Leer más publicaciones en Calaméo

Presentamos a nosa guía de lecturas recomendadas para este verán, tríptico que entregaremos a todos/as o último día lectivo xunto cunha nova edición da nosa revista escolar DígochoEu!

Este verán...PASA PÁXINA!

Día Mundial dos Océanos: exposición fotográfica

Hoxe 8 de xuño de 2021, Día Mundial dos Océanos, visitamos a Exposición de Fotografía Subacuática dispoñible nas instalacións do Centro Cívico de Malpica de Bergantiños convidados/as polo Departamento de Educación e Cultura do Concello.

Os primeiros niveis desfrutaron da colección de imaxes cunha visita guiada e a proxección dun documental medioambiental sobre o mundo mariño. O vindeiro venres 11 a visita será para os restantes grupos-clase do colexio; xa que a exposición estará aberta ao público ata o día 18 de xuño.

Picando na imaxe accederedes ao álbum de fotos da visita.

Unha actividade cultural moi enriquecedora, que nos achega ao mundo de vida submarina que debemos valorar e coidar.

Laboratorio de Ideas: construíndo un mundo mellor!

O Laboratorio de Ideas Construíndo un mundo mellor! pecha a implementación dos laboratorios de aprendizaxe 2020/21 e do PDI, bianual, Visión 3C: Comunicación, Ciencia e Creatividade.

Os produtos do laboratorio, Axenda 2030 e Medio Ambiente, conforman a exposición final; unha exposición coa que tamén conmemoramos o Día do Medio Ambiente a través de maquetas/construcións ecolóxicas, creativas e únicas que reflicten o mundo de aprendizaxes desenvoltas ao longo do curso, aprendizaxes de vida.

Parabéns, unha vez máis, a tod@s pola vosa creatividade, pola vosa sensibilidade coa diversidade de mundos, persoais e sociais, cos que coexistimos.

Premendo na imaxe accederedes ao álbum de fotos da exposición.

O vindeiro curso navegaremos nun novo mar de aprendizaxes compartidas, sempre coa visión nítida de tod@s de que a construción dun mundo mellor é posible se cada un/unha de nós aporta o seu gran de area na singradura da vida.

Xeografía lectocreativa Milladoiro: Leohle

Pechamos o curso 2020/21, adaptando o lema proposto dende a Asesoría de BE ao noso proxecto de colexio, coa inauguración do mural...

Xeografía lectocreativa Milladoiro: Leohle

que recolle os espazos e recursos que usamos ao longo do curso e que nos acompañará, ano tras ano, para seguir consolidando o concepto BE-LeoLab: a Biblioteca entendida como centro de recursos e espazos creativos ao servizo da aprendizaxe e para tod@s.

Reflectimos a xeografía da nosa BE-LeoLab a través dunha árbore pola súa representación do natural, polo seu significado ancestral en diversas culturas: árbore do coñecemento, árbore da sabiduría, árbore da familia, árbore da vida, árbore de creación e protección...e porque todas as pólas medran en diferentes direccións, mais todas se alimentan e medran grazas á mesma raíz: a Biblioteca Escolar.

Para elaborar o tronco e as follas de cada copa reutilizamos os libros expurgados, as imaxes de cada espazo creativo son as que compoñen a nosa Formación de Usuari@s en liña e coa colaboración da comunidade: forrando a parede, picando as follas, conformando a pila de libros-tronco, rotulando os carteis ou realizando a montaxe da árbore; obtemos o fantástico resultado que podedes ver na imaxe.

Picando na imaxe accederedes ao álbum de fotos do mural.

Un ilustrativo e creativo mural construído por e para tod@s!