19.11.15

Outro premio para a LIX


A literatura infantil e xuvenil en galego está de noraboa xa que Ledicia Costas foi galardoada esta pasada fin de semana co Premio Lazarillo 2015 pola súa novela xuvenil Jules Verne e a vida secreta das Femmes Plante. O premio foi convocado pola Organizacion Española para el Libro Infantil y Juvenil (OEPLI) e conta co patrocinio do Ministerio de Educacion, Cultura e Deporte. O xurado destacou da obra obra gañadora que se trata dunha «novela ben escrita, cunha narración fluída, unha estrutura moi ben axeitada e unha linguaxe sinxela pero elaborada, que combina con precisión elementos da realidade e ficción e imprimíndolle un aire de misterio que contribúe a facer moi emocionante a súa lectura». A novela publicarase en Xerais no 2016. Lembraredes que o curso pasado Ledicia visitounos para ter un encontro cos nenos e nenas de 5º e 6º despois que os de 6º leran o seu libro Escarlatina a cociñeira defunta Os noso parabéns a Ledicia Costas por este novo recoñecemento. Via Asesoría Bibliotecas escolares