Boa Travesía! Guía de lecturas para o verán 2020

Guia de Lecturas Veran 2020

Leer más publicaciones en Calaméo

Xa está aquí!
Como adoitamos facer cada ano, achegamosvos unha selección de lecturas que nos parecen acaídas para este verán. É tanto o que se publica que non é doado facer selección. Pero xa sabedes que nos gusta dicir que escollemos os libros como escollemos as xoias: de 1 en 1
E aí están os que vos ofrecemos este ano.
Non vola daremos en papel, comoa doitamos facer, pero ten a ventaxa de que se premedes sobre cada título podedes acceder a máis información sobre o libro: vantaxes dos formatos electrónicos (je, je..)
Só nos queda dicir:

Felices lecturas!

Expo Muller e Ciencia

Iniciativa para centros de ensino. GDR

Desde o Grupo de Desenvolvemento Rural da Costa da Morte, solicítannos a colaboración para difundir este iniciativa.

 Trátase dun concurso de fotografía dirixido exclusivamente a alumnado dos concellos que forman parte deste Grupo. E Malpica é un deles.

Aquí tendes toda a información

Laboratorios de Aprendizaxe 2019/20

No primeiro trimestre do presente curso puxemos en marcha no noso cole os laboratorios de aprendizaxe. A expectación e ilusión era máxima.

Cada mércores, despois da Hora de Ler todo o alumnado do cole organizábase por equipos interniveis para participar nun dos 5 laboratorios: Laboratorio Documental, Laboratorio de Ciencias, Laboratorio de Son, Laboratorio de Ideas e Laboratorio de Imaxe.

Entendemos estos laboratorios como espazos de aprendizaxe onde desenvolver as competencias básicas, onde crear, experimentar, investigar…dunha maneira lúdica e motivadora coa orientación das mestras e mestres do noso colexio.

Esta actividade quedou cancelada  coa declaración do estado de alarma polo COVID-19 e a suspensión das clases. 

Desexamos que para o vindeiro curso poidamos emprender novamente os nosos laboratorios nos que tanto aprendemos e desfrutamos.