22.3.08

Dobarrismo


Anque xa leva algún temo no mercado, recomendamos hoxe este álbum grabado por xoves músicos galegos versionando algunhas das millores pezas creadas por Andrés Dobarro.

O artista ferrolan supuxo no seu momento unha tremenda innovación na música pop española: cantaba en galego. E cantando en galego acadou catro números 1 nas listas de éxitos españolas a comezos dos anos 70.

Cancións cos temas máis variados: de amor, de saudades, de penas, de festa, de costumes... canció pop, en definitiva. Pero feita en galego. Os estudosos da súa produción alcúmano o Bob Dylan galego

Nos últimos tempos produciuse en Galicia un movemento recuperador da música deste autor que vale a pena, ademáis de para poñelo en valor, para dalo a coñecer ás novas xeracións. Trinta bandas musicais emerxentes na nova música galega (en palabras de Xurxo Souto) anovan os temas de Dobarro e poñen de manifesto a temenda actualidade da música deste autor. Non é un disco de nostalxia: é un disco actual e de futuro.

Rapaces e rapazas pode que bailen este vran ó son do Tren, da Pandeirada...

O volume consta de dous discos de diferente cor que, sen decilo, presentan versións máis rock ou máis pop de distintos temas.

Sobresaínte a versión do San Antón do grupo JULES, JIM & CATHERINE que aparece no disco azul, un ritmo a medias entre o jazz, a bossa nova... ¡magnífico!

Haberá que prestar atención a algunha construcción sintáctica pouco ortodoxa que, sen ser criticable no autor, os apaces e rapazas de hoxendía non deberían reproducir ou, alomenos, saber que son incorrectas.

O dito: ¡a bailar!

No hay comentarios: