Presentamos o vídeo-resumo do Día do Libro 2021, que remitimos á Asesoría de Bibliotecas Escolares para participar na acción creativa que promoven baixo o título CREAcción Día do Libro 2021.
Parabéns a tod@s polo fantástico desenvolvemento do Laboratorio de Imaxe do que se obtiveron os carteis Leo le, nós lemos...? con información literaria, visual e virtual, que publicitamos por Malpica e outros concellos.
A seguir facendo amig@s...con cada libro!
Picando na imaxe accederedes ao álbum de fotos desta creativa exposición que se complementa cos carteis de cada grupo-clase elaborados no Laboratorio de Imaxe do mes de abril e algunhas das obras de arte con crebas.
Seguimos creando, construíndo!
Libros e códigos QR enlazáronse nos carteis literarios tan creativos elaborados por cada grupo-clase e que xa forman parte da exposición Construíndo un mundo mellor! deste último trimestre.
Parabéns a tod@s polos fantásticos produtos finais e...
No día de hoxe chegaron ás aulas as caixas para crear o noso recuncho robótico, compostas por un escornabot, unha plantilla do abecedario para o mesmo e un xogo de inxenería.
Esta compra fíxose grazas ao premio que conseguimos no VI Concurso de Traballos por Proxectos.
Picando na imaxe accederedes ao álbum de fotos de entrega das caixas.
A seguir creando!
Comezamos este terceiro trimestre dedicado a CREATIVIDADE e co lema presente de "Construír un mundo mellor"contamos coa participación o pasado mércores nun obradoiro de barro impartido por Lidia de CERAMICA CREARE de nosa localidade.
Participou o ciclo de Educación Infantil e o primeiro ciclo de Educación Primaria e crearon unha maceta para continuar co traballo de plantación que se está levando a cabo en cada unha das aulas.
Podedes ver todas as fotos recollidas nos diferentes blogues:
Comezamos abril, mes dos libros e...agasallos!
O pasado venres, 9 de abril, recibimos a visita de Kalandraka, representada por: Ricardo Rodríguez do Departamento Comercial, Bea Campos (reporteira) e J.M. Sagüillo (cámara) do equipo de Kalandraka TV
A visita tivo como principal motivo agasallar a cada neno/a cun libro e un lote de libros para a Biblioteca polo heroico traballo reflectido no vídeo Entroido 2021: SH Milladoiro! que realizamos entre tod@s para festexar un entroido "diferente" ao ritmo da canción "Superheroe, superheroína" de Paco Nogueiras, canción incluída no seu último libro-CD Extra! editado por Kalandraka.
Todos os libros-agasallo que repartiron entre o noso alumnado viñan seleccionados por idades lectoras, así:
As biblioaxudantes de 6º de Primaria exerceron de anfitrioas para guialos polos diferentes espazos do colexio, namentras gravaban: entrega de agasallos, espazos creativos BE-LeoLab...
O alumnado de 5º de Primaria, biblioaxudantes de Radio na Biblio, entrevistaron a Ricardo para coñecelo e coñecer un pouco máis o mundo do libro. Unha entrevista moi ben preparada polo alumnado, mais sorpresa para o entrevistado que non sabía que ía ser o proragonista do día en Radio Balea.
Agradecer a amabilidade de Bea, Sagüillo e Ricardo, equipo Kalandraka, con tod@s.
Picando na primeira imaxe accederedes ao álbum de fotos do día.
Parabéns a nosa comunidade educativa, non participamos en ningún concurso ou certame; mais é de agradecer o recoñecemento feito por Kalandraka ao traballo realizado con ilusión, motivación, esforzo e colaboración, á educación con corazón.
Seguimos...lendo, construíndo, vivindo!
Hoxe, Día do Libro Infantil, fomentamos, coma cada día lectivo, a lectura de calidade entre @s nen@s; recollendo a imaxe do cartaz publicado pola Asesoría de BE na súa páxina web.
Nós, celebraremos o Mes das Letras 2021 elaborando creativos carteis para promover, divulgar lectura na nosa comunidade: lectura para tod@s!
Lecturas de vida, rememorando o Día do Libro 2020. En pleno confinamento, derivado da COVID-19, a motivación , ilusión e esforzo da nosa pequena comunidade educativa deu como froito 2 fermosísimos produtos finais, en formato vídeo, que podedes desfrutar picando nos seguintes enlaces:
